ئەنجامی تاقیكردنەوەی توانستی زانستی بۆ سكۆلارشیپی كۆماری چیك راگەیەندرا

  • ئاب 7, 2018
  • 575 Views
ئەنجامی تاقیكردنەوەی توانستی زانستی بۆ سكۆلارشیپی كۆماری چیك راگەیەندرا

لە تاقیكردنەوەی توانستی زانستی بۆ سكۆلارشیپی كۆماری چیك (8) كاندید توانیان سەركەوتووبن، بەو ئەنجامە و بەراورد بە وڵاتانی دیكە خوێندكارانی هەرێمی كوردستان توانیان زۆترین كورسی خوێندن مسۆگەر بكەن.

د.یوسف گۆران وەزیری خوێندنی باڵا و توێژینەوەی زانستی رایگەیاند: مایەی شانازییە بۆ هەرێمەكەمان، كە بەراورد بە وڵاتانی ناوچەكە زۆترین ژمارەی كاندیدەكانمان لە تاقیكردنەوەی توانستی زانستی زانكۆی (پلازكی) چیكی بۆ بەدەستهینانی سكۆلەرشیپ دەرچوون.

لەو چوارچێوەیەشدا وەزارەتی خوێندنی باڵا و توێژینەوەی زانستی دوای پیرۆزبایكردن لە دەرچووان، داوا لە كاندیدە سەركەوتووەكان دەكات سبەی چوارشەممە‌، ڕێكەوتی 2018/8/8 كاتژمێر (١٠)ی سەرلەبەیانی سەردانی دیوانی وەزارەت بكەن.

لای خۆشیەوە نوێنەری زانكۆی پلازكی كۆماری چیك ڕەزامەندی نیشاندا لەسەر پێشنیازێكی د.یوسف گۆران وەزیری خوێندنی باڵا و توێژینەوەی زانستی بۆ زیادكردنی ژمارەی سكۆلەرشیپەكان لە (30) كورسی بۆ (50) كورسی خوێندن بۆ ساڵی داهاتوو.

رۆژی یەكشەممە رێكەوتی (2018/8/5) بەچاودێری وەزارەتی خوێندنی باڵا و توێژینەوەی زانستی تاقیكردنەوەی توانستی زانستی بۆ كاندیدانی سكۆلەرشیپی چیك لە زانكۆی تەكنیكی ئۆستراڤا/ كەمپسی هەولێر بەڕێوەچوو.

ناوی خوێندكارە سەركەتووەكان:
1.ڕۆژ هەژار قادر – 233 – پزیشكی گشتی.
2.ژیار یاسین تاهر مستەفا – 233 – پزیشكی گشتی.
3.میلانۆ محمد صالح – 213 – ددانسازی.
4.ڕەوا قوربانی عبدالرحمن – 183 – ددانسازی.
5.میران عمر محمد فرج – 181 – ددانسازی.
6.پەیام نایف جمال – 175 – ددانسازی.
7.پێشەوا جەلال محمد – 173 – ددانسازی.
8.سارا جادر ابراهیم – 171 – ددانسازی.

تێبینی:
ئەو خوێندكارانەی كە بەشی ددانسازی وەرگیراون، ئەگەر خوێندنەكەیان بۆ ساڵی داهاتوو دوابخەن، ئەوا دەتوانن لە بەشی پزیشكی گشتی بخوێنن.

*بەڕێوەبەرایەتی ڕاگەیاندنی وەزارەتی خوێندنی باڵا و توێژینەوەی زانستی.