خوێندكاران بەگەشتێكی زانستی سەردانی پێشانگای نێودەوڵەتی سلێمانی دەكەن

  • 2018-11-29
  • 547 Views
خوێندكاران بەگەشتێكی زانستی سەردانی پێشانگای نێودەوڵەتی سلێمانی دەكەن

خوێندكارانی بەشی پەیوەندییە گشتییەكان و بەبازاڕكردنی پەیمانگای تەكنیكی دوكانی سەر بە زانكۆی پۆلیتەكنیكی سلێمانی بە گەشتێكی زانستی سەردانی پێشانگای نێودەوڵەتی سلێمانیان كرد.

لەسەردانەكەدا وانەی ریكلام و ماركیتینگ بەشێوەی پراكتیكی بۆ خوێندكارەكان روونكرایەوە و زیاتر ئاشناكران بە بەشەكانی فرۆشتن و ماركیتینگی كۆمپانیاكان، پاشان لەلایەن بەڕێوەبەرانی فرۆشتن و ماركیتینگی كۆمپانیاكان وەڵامی سەرجەم پرسیارەكانی خوێندكاران درایەوە، دواتریش لەلایەن گرووپی كۆمپانیاكانی قەیوان دیاری بەخشرایە خوێندكارەكان.

شایەنی باسە ساڵانە زانكۆی پۆلیتەكنیكی سلێمانی بۆ پراكتیزەكردنی وانەكان چەندین گەشتی زانستی و ئەكادیمیی بۆ خوێندكارەكانی رێكدەخات.

*بەڕێوەبەرایەتی راگەیاندن و چالاكییەكانی زانكۆ.