وەزیری خوێندنی باڵا هیوای سەلامەتی تەندروستی بۆ د.كەمال ئەحمەد دەخوازێت

  • كانونی یه‌كه‌م 4, 2018
  • 228 Views
وەزیری خوێندنی باڵا هیوای سەلامەتی تەندروستی بۆ د.كەمال ئەحمەد دەخوازێت

دوای ئەوەی دوێنێ‌ ئێوارە تەقە لە پرۆفیسۆر د.كەمال ئەحمەد سەعید كرا، د.یوسف گۆران وەزیری خوێندنی باڵا و توێژینەوەی زانستی لە پەیامێكدا هیوای سەلامەتی بۆ تەندروستی د. كەمال ئەحمەد سەعید دەخوازێت و پاڵپشتی خۆشی بۆ سەلامەتی بەڕێزیان دووپاتدەكاتەوە، بەو هیوایەی تەندروستیان بەرەو جێگیربوون و باشی بچێت.

وەزیری خوێندنی باڵا و توێژینەوەی زانستی لە پەیامەكەیدا داوا لە هێزە ئەمنییەكان دەكات پەلە بكەن لە دۆزینەوەی تۆمەتباری سەرەكی رووداوەكە، لەبەرئەوەی د.كەمال ئەحمەد سەعید خزمەتێكی بەرچاوی بە رەوشی خوێندنی باڵا بە گشتی و خەڵكی كوردستان و بواری پزیشكی لە زانكۆی سلێمانی كردووە و جێ پەنجەی بۆ خزمەتكردن دیار و بەرچاوە.

*بەڕێوەبەرایەتی ڕاگەیاندنی وەزارەتی خوێندی باڵا و توێژینەوەی زانستی.