هه‌ڵه‌بجه‌: یەکەمین پێشانگای بەھارەی گوڵ کرایەوە

  • 2019-05-03
  • 705 Views
هه‌ڵه‌بجه‌: یەکەمین پێشانگای بەھارەی گوڵ کرایەوە

بۆ خستنەڕوو نمایش و فرۆشتنی (١٠٠جۆر ) گوڵی هه‌میشه‌یی و وه‌رزی و نه‌مامی جوانی و به‌ری ، كۆلێجی زانسته‌ پراكتیكییه‌كانی هه‌ڵه‌بجه‌/ سه‌ربه‌زانكۆی پۆلیته‌كنیكی سلێمانی یەکەمین پێشانگای بەھارەی گوڵ لە باخی گشتی پارێزگای هه‌ڵه‌بجه‌ كرده‌وه‌.
پێشانگای به‌هاره‌ی گوڵ به‌هاوكاریتۆڕی ڕێكخراوه‌كانی هه‌ڵه‌بجه‌ به‌ڕێوه‌چووو .

د.کارزان عبدالله ڕاگری کۆلێجی ته‌كنیكی هه‌ڵه‌بجه‌ ستایشی کارەکانی ستافی كێڵگه‌ی تایبه‌ت به‌ كۆلیجه‌كه‌یان کرد و پێویستی گرنگیدانی بە بەرھەمی خۆماڵی و سروشتی لەپێناو بەبازاڕکردنیان و ھاندانی مامۆستایان و خوێندکاران و ھاوڵاتیان بۆ بەکارھێنانیان دووپاتکردەوە.

هه‌روه‌ها میهره‌بان عوسمان لێپرسراوی به‌شی كێڵگه‌كان ڕایگه‌یاند: له‌ئێستا به‌پێویستمان زانی ئه‌م جۆره‌ پێشانگایه‌ بكه‌ینه‌وه‌ بۆ ئه‌وه‌ی تواناو ووزه‌ی كۆلیجه‌كه‌مان و خوێندكاران و مامۆستایانیش زیاتر به‌ده‌ر بخه‌ین و هاندانێكیش بێت بۆیان ، وه‌هه‌روه‌ها به‌بازاڕكردنی ئه‌م به‌رهه‌مانه‌ش ده‌بێته‌ داهاتێك بۆ كۆلیجه‌كه‌و زیاتر فراوانكردنی كێڵگه‌كانمان كه‌ زیاتر له‌ 170 دۆنم زه‌ویمان هه‌یه‌.

له‌ پێشانگاكه‌دا (%40 تا %80 ) داشكان كراوه‌ له‌ نرخه‌كان و بۆ ماوه‌ی دوو ڕۆژ به‌رده‌وام ده‌بێت واته‌ له‌ ڕۆژی 3-4ی ئایاری 2019.