پەیمانگای تەكنیكی دەربەندیخان

  • ئاب 27, 2015
  • 1236 Views
پەیمانگای تەكنیكی دەربەندیخان

پەیجی تایبەت بە پەیمانگا

پەیمانگای تەكنیكی دەربەندیخان یەكێكە لەدەزگاكانی (حكومەتی هەرێمی كوردستان ) سەر بە وەزارەتی خوێندنی باڵا وتوێژینەوەی زانستییە و لەسەر پێشنیاری سەرۆكایەتی ئەنجوومەنی وەزیران و بە فەرمانی وەزارەتی خوێندنی بالا وتۆێژینەوەی زانستی ژمارە (3ن 2312 ) لە (29/9/2005) وە فەرمانی سەرۆكایەتی دەستەی خوێندنی تەكنیكی كوردستان ژمارە(4123) لە (9/10 /2005) دامەزراوە ، پەیمانگای تەكنیكی دەربەندیخان بە دوو بەشی زانستی ( كارەبا و ژمێریاری) كرایەوە وەكو دیاریەك بۆ شاری دەربەندیخان و ناوچەكە كە دەرچوانی كارمەندی مام ناوەندن دەتوانن پاش دەرچوونیان خزمەت بكەن لە دەزگاكانی حكومەتی هەرێمی كوردستان لە بواری پسپۆری خۆیاندا وە بۆ ساڵی خوێندنی 2006-2007 پەیمانگا دەرگاكانی والا كردبۆ خوێندكارانی ئازیز وە لەلایەن ناوندی وەرگرتنی مەڵبەندییەوە پەیمانگا ( 90) خوێندكاری وەرگرت بۆ هەردوو بەشەزانستیەكە پەیمانگا بینایەكی بۆ تەرخان كرابوو كە پێشتر چەند دامەزراوەیەكی حكومی تێدابوو لەلایەن سەرۆكایەتی شارەوانی دەربەندیخانەوە نۆژەن كرایەوە و لەماوەیكی كورت دا سەرەرای نەبوونی كارمەندی پێویست وكەمی بودجە لەپەیمانگا توانرا زۆربەی پێویستیەكانی بۆ دابین بكرێت لەسەر بودجەی پەیمانگا،بۆساڵی خوێندنی 2010-2011 لەسەر پیًشنیاری پەیمانگاو بەفەرمانی دەستەی سلێمانی بەشی زانستی (كارگێڕی كار) كرایەوەو ژمارەیەك خوێندكاری وەرگرت،بۆ ساڵی خوێندنی
( 2011 – 2012 ) بەشی زانستی (روپێوی) كرایەوە كەتیایدا ژمارەیەكی باش خوێندكاری وەرگرت، هەروەها بۆساڵی خوێندنی(2014-2015) رەزامەندی وەرگیراوە لەلایەن وەزارەتی خوێندنی بالاو زانكۆی پۆلیتەكنیك بەمەبەستی كردنەوەی بەشی زانستی پەرستاری،بەهیوای بەرەوپێشچونی رەوشی خوێندن لەكوردستان.
ژمارەی خوێندكارانی پەیمانگای تەكنیكی دەربەندیخان بریتیە لە 1026(834)خوێندكار

ناوی بەشە زانستیەكانی ئەم پەیمانگایە و ساڵی دامەزراندنیان بریتیە لە

بەشی ژمێریاری
بەشی كارەبا
بەشی كارگێری كار
بەشی رووپێوی
ناوی بەشەزانستیەكان

ئەنجومەنی پەیمانگای تەنیكی دەربەندیخان

1 . د. سالم نیعمەت عەزیز – راگری پەیمانگا
2 . صباح شریف محمد – م.یاریدەدەر – ی.راگر بۆكاروباری كارگێری و دارایی
3 . هادی محمد عبداللە – ی.راگر بۆكاروباری خوێندكاران
4 . پشتیوان نصرالدین شكور – م.یاریدەدەر – س.بەشی رووپێوی
5 . خالد حسین میكایل – س.بەشی كارەبا
6 . محمد نوزاد علی – س.بەشی ژمێریاری
7 . فرمان محمد حمە صالح – س.بەشی كارگێری كار