كۆلێجی تەكنیكی كارگێری

  • ئاب 27, 2015
  • 2169 Views
كۆلێجی تەكنیكی كارگێری

پەیجی تایبەت بە کۆلێج

كۆلێجی تەكنیكی سلێمانی بە بڕیاری ئەنجومەنی وەزیرانی حكومەتی هەرێمی كوردستان ژمارە (205) لە (18/11/2003) دا دامەزراوە وەك كۆلێژێكی سەر بە دەستەی خوێندنی تەكنیكی سلێمانی هەنگاوێك بوو بۆ بەهێز كردنی بواری تەكنەلۆجیا لە كوردستان ,بۆیەكەم جار بوو ئەم جۆرە كۆلێجە لە كوردستان دابمەزرێت ، سەرەتا بە چوار بەشی زانستی دەستی پێكرد كە هەردوو بەشی تەكنەلۆجیای پرۆسە كارگێریەكان و بەشی تەكنیكی دارایی و ژمێریاری لە سەرەتای دامەزراندنی ئەم كۆلێجەو هەبوون ،بەڵام دواتر لە ساڵی 2014 دا كۆلێجی تەكنیكی كارگێری دامەزرا كە پێكهاتبو لە بەشەكانی تەكنیكی كارگێری و تەكنیكی ژمێریاری و تەكنیكی میدیا كە بۆ ئەمساڵی خوێندن دەرچوی نیە.
بەشە زانستییەكانی:

1. بەشی تەكنیكی میدیا
2. بەشی تەكنیكی ژمێریاری
3. بەشی تەكنیكی كارگێرٍی

بەشی تەكنیكی كارگێرٍی
ئەم بەشە زانستییە لە كۆتای ساڵی 2003 وە دامەزراوە ، خوێندكاری وەرگرتووە بو ساڵی خوێندنی 2003-2004 ، مەبەست لەكردنەوەی ئەم بەشە پێگەیاندنی كادری بەتوانایە لەبواری تەكنیكییە كارگێڕییەكاندا كە كارا بن بۆ ئیش كردن لە كەرتی گشتی و تایبەت. دەرچوانی ئامادەییەكان – لقی زانستی و وێژەیی لەم بەشە وەردەگیرێن، هەروەها ڕێژە یەك لە دەرچوانی پەیمانگا تەكنیكیەكان وەردەگیرێن لەبواری پسپۆڕی خۆیاندا.ژمارەی خوێندكارانی بۆ ساڵی 2013-2014 بریتیە لە (281)خوێندكار.

ئامانجی ئەم بەشە
دەرچووی ئەم بەشە پاش چوارساڵی خوێندنیان كارا دەبن بو ئیش كردن لەم بوارانەدا:
• جێ بەجێ كردنی هەموو كارو بارێكی كارگێڕی بۆ گشت دامەزراوەیەك .
• ڕێكخستنی كارگێڕییەكان و ئامادەكردنی لیستەكارگێڕییەكان بۆ هە موو كەرتە جیاوازەكانی دەوڵەت و تایبەت .
• هەستان بە چاودێریكردنی كارە كارگێڕییەكان و زوتر ڕاپەڕاندنی ئە ركە كان بە كەم كردنەوەی ڕِۆتین پشكنین و پێداچونەوە كارگێڕییەكان .
• توانای بەكاركردن بە پراكتیكی كردنی ئامادەكراو بە (الحاسوب ) بۆ گشت بوارە كارگێڕییەكان
• هەستان بە شیكاریكردنی ئەركە كارگێڕییەكان لە كاروباری ئابوری لە ڕێگەی بریكارەكانەوە .
• توانای بە پلان كردنی بۆ بەبازاڕكردنە كارگێڕییەكان بۆ گشت وزەیەكی كارگێڕِی لەهەردوو كەرتی تایبەت و كشتی.

بەشی تەكنیكی میدیا
دوا بەدوای گۆرینی دەستەی خوێندنی تەكنیكی سلێمانی بۆ زانكۆی پۆلیتەكنیكی سلێمانی و دامەزراندنی كۆلێجی تەكنیكی كارگێری، لە چوارچێوه‌ی گرنگی دان بە بواری راگەیاندن و میدیا، ساڵی 2013 بەشی تەكنیكی میدیا كرایەوە. وەك هەنگاوی یەكەم بۆ ساڵی خوێندنی 2013/2014 لەرێگەی ناوەندی وەرگرتنەوە (30) خوێندكاری لە دەرچوانی شەشی ئامادەیی بە هەردوو لقی زانستی و وێژەیی وەرگرت، هاوتەریب لەگەڵ ئەو پۆلە خوێندكارەی قۆناغی یەكەم (17) خوێندكاری تری لەرێگەی كێبركێوە بەو مەرجانەی دیاریكرابوو لە هەڵگرانی بڕوانامە دبلۆمی تەكنیكی دەرچووی بەشی راگەیاندنی پەیمانگاكانی هەرێم وەرگرت، كە لە قۆناغی دووەمەوە درێژە بەخوێندن بدەن، ئەمەش بەمەبەستی رەخساندنی هەلێكی تر بۆ بە دەستهێنانی بڕوانامەی به‌رزتر.

ئامانجی بەش

پێگەیاندنی كادری پسپۆر و كارامە لە بواری راگەیاندندا، شارەزا لە سەرپەرشتی كردن و بەڕێوەبردنی هەموو كارە میدیایەكانی نووسراو، بیستراو و بینراو. پێناساندنی خوێندكاران بە بنەما و یاسا و ئیتیكەكانی راگەیاندن و چۆنیەتی گەیاندنی هەواڵ و زانیاری و پەیوەندیكردن به‌شێوه‌یه‌کی زانستی و ئه‌کادیمی، بەكارهێنانی ته‌کنیکی نوێ ی كامێرای فۆتو و ڤیدیۆ لە كاری میدیادا.

بەشی تەكنیكی ژمێریاری
ئـەم بەشە زانسـتیە لەكۆتایی ساڵی (2003) وە دامـەزراوە , خوێنـدكاری وەرگرتووە بۆ سـاڵی خـوێندنی ( 2003-2004), مەبەست لە كردنەوەی ئەم بەشە پێگەیاندنی كادری بە توانایە لە بواری تەكنیكیە دارایی و ژمێریاریەكان كە بە كارا بن بۆ ئیش كردن لە كەرتی بانكی و دارایی و یەكە ژمێریاریەكانی هەموو كەرتەكانی حكومی و تایبەت . دەرچوانی ئامادەییەكان – لقی زانستی لەم بەشە وەردەگیرێن , هەروەها رێژەیەك لە دەرچوانی پەیمانگا تەكنیكیەكان وەر دەگیرێن لە بواری پسپۆری خۆیاندا .

ئامانجی كاری دەرچوانی ئەم بەشە توانای بە كاركردن بە پراكتیكی كردنی ئامادەكراو بە ( الحاسوب ) بۆ گشت بوارە دارایی و ژمێریاریەكان وە بۆ هەرچی ئەو بڕگانەی لەسەرەوە هاتوون بە كۆمپوتەری بكرێن .
هەستان بە شیكارە دارایی یەكان و بەرێوە بردنی كاروبارە ئابوری و ژمێریاریەكانی بە بازار كردن .
توانای بە پلان كردنی شیكارە دارایی یەكان بۆ گشت وزەیەكی دارایی لە هەردوو كەرتی بانكی و دڵنیایی ( التامین ) .