كۆلێژی تەكنیكی ئەندازیاری

  • ئاب 27, 2015
  • 1455 Views
كۆلێژی تەكنیكی ئەندازیاری

پەیجی تایبەت بە کۆلێج

كۆلێژی تەكنیكی سلێمانی كە لە سەرەتادا بە چوار بەشی زانستی دەستی پێكرد،بەشی ئەندازیاری میكانیك یەكێك بوو لەو بەشە زانستیانەی ساڵی 2003دامەزرا،هەروەها بەشی ئەندازیاری پلانسازی شار لە ساڵی 2004دامەزراوە دا ئەتوانین بڵێین ئەم بەشە لەسەر ئاستی هەرێم و لەسەر ئاستی عێراق هاوشێوەی نیەو تەنیا لە كۆلێجی تەكنیكی سلێمانیدا هەیە .پاشان بەشی ئەندازیاری گەیاندن لە ساڵی كرایەوە .

ئامانجی بەشی ئەندازیاری پلانسازی شار
ئامادەكردنی ئەندازیاری تەكنیكی تایبەت لە بواری پلانسازی شاردا جێگرەوەی تازەترین نوێگەری سەردەم بێت تێڕوانینی هەبێت بۆ تێكەڵكردنی كەلەپووری كۆن و كەرەستە بیناسازیانەی كەلە ئێستادا هەیە بۆ دۆزینەوە و بنیاتنانی ژینگەیەكی دروست كراو كە شایەنی مرۆڤی ئەم سەردەمە بێت سەرەڕای ئەمەش بێتە هۆی دەوڵەمەند كردنی دامەزراوە ئەندازیاری و پلانسازی بۆ هەردوو بەشی گشتی و تایبەت كە بتوانێت لە داهاتودا كاریگەری هەبێت لە دانانی بڕیاردا بۆ نیشاندانی ڕێڕەوی ئیش و دروست كردنی شار و شارەوانیەكان و ناوچەكان لە كاتی گەشەپێدان و دروست كردنی ژێرخانی ئابووری و خزمەت گوزاری بەهەموو جۆرەكانیەوە ، ئەم بەشە پسپۆڕیەكی ئەندازیاری گرنگ لەخۆ دەگرێت بەتایبەتی لە قۆناخی دروست كردن و ئاوەدانكردنەوەی شاردا بەشێوەیەك كە پرۆژەكانی گەشەپێدان پێویستیان بەو پسپۆریە هەبێت ئەمە سەرەڕای ئەو زانیاریە زانستیانەی كەلە هەموو لایەنەكانی تری گەشەپێدانی مرۆیدان.