زانكۆی پۆلیتەكنیكی سلێمانی زامنی دەستكەوتنی هەلی كارە بۆ خوێندكارەكانی

  • ته‌مموز 14, 2019
  • 899 Views
زانكۆی پۆلیتەكنیكی سلێمانی زامنی دەستكەوتنی هەلی كارە بۆ خوێندكارەكانی

زانكۆی پۆلیتەكنیكی سلێمانی زامنی دەستكەوتنی هەلی كارە بۆ خوێندكارەكانی

زانكۆی پۆلیتەكنیكی سلێمانی وەك یەكێك لە زانكۆ پێشكەوتوو ئاست بەرزەكانی هەرێمی كوردستان هەمیشە لەهەوڵی بەرزكردنەوەی ئاستی زانستی مامۆستایان و خوێندكاراندا بوەو لە خۆنوێ كردنەوە نەوەستاوە، هەمیشە كاری كردووە بۆ كردنەوەی بەشی نوێ و گونجاندنی خوێندن لەگەڵ بازاڕی كارو پێداویستی دەزگاو دامەزراوە گشتی و تایبەتەكاندا .

پ.ی.د. ئالان فەرەیدون علی ئەمین سەرۆكی زانكۆی پۆلیتەكنیكی سلێمانی تایبەت بەسایتی زانكۆ ووتی : جێ ی خۆشحاڵیمانە كە دەرچوانی زانكۆكەمان چ لەكەرتی گشتی و چ لەكەرتی تایبەتدا هەلی كاریان دەستدەكەوێت و دەتوانن ممارەسەی ئەو پسپۆری و زانستە بكەن كە لای ئێمە فێربوون و لەهەمان كاتیشدا سەرچاوەی بژێوی خۆیان دەستەبەر بكەن.

هەروەها بەڕێزیان ووتی: لەهەنگاوێكی نوێ دا چەند دەرچوویەكی زانكۆی پۆلیتەكنیكی سلێمانی / دەرچوانی بەشە تەندروستییەكان بە فەرمانی سەرۆكایەتی ئەنجومەنی وەزیران وەك فەرمانبەری گرێبەست دادەمەزرێن.

ئەمەش مایەی دەستخۆشییە لەم كات و ساتەدا دامەزراندن بە هەمیشەیی و گرێبەستیشەوە لە حكومەتتدا وەستاوە ، دەرچوانی زانكۆمان بۆ پڕكردنەوەی پێداویستی دەزگاو فەرمانگەكان دادەمەزرێن و هەلی كاری گونجاویان دەست دەكەوێت. بەڵێن دەدەین بەردەوام بین لە هەوڵەكانمان بۆ دامەزراندنی دەرچوانمان.

داوای كرد ئەم جۆرە لە دامەزراندن بەردەوام بێت و دەرچوانی یەكەم و دووەم و سێهەمی سەر ئاستی بەشەكان وەك ساڵانی ڕابردوو دابمەزرێن.

لەكۆتاییدا پ.ی.د. ئالان فەرەیدون علی ئەمین سەرۆكی زانكۆی پۆلیتەكنیكی سلێمانی پیرۆزبایی لەو خوێندكارانە كرد كە دامەزراون و دەستخۆشیشی لە سەرۆكایەتی ئەنجومەنی وەزیران و وەزارەتی خوێندنی باڵاو توێژینەوەی زانستی و وەزارەتی تەندروستی حكومەتی هەرێمی كوردستان كرد بۆ ئەو بڕیارە.