پەیامی سەرۆكایەتی زانكۆی پۆلیتەكنیكی سلێمانی بەبۆنەی هاتنی جەژنی قوربانی پیرۆزەوە

  • ئاب 10, 2019
  • 385 Views
پەیامی سەرۆكایەتی زانكۆی پۆلیتەكنیكی سلێمانی بەبۆنەی هاتنی جەژنی قوربانی پیرۆزەوە

بەناوی خودای بەخشندەی میهرەبان

بەبۆنەی ھاتنی جەژنی قوربانی پیرۆزەوە، بەناوی سەرۆك و ئەنجومەنی زانكۆی پۆلیتەكنیكی سلێمانییەوە پیرۆزبایی گەرم ئاڕاستەی سەرجەم مامۆستایان و خوێندکاران و فەرمانبەرانی زانکۆ دەکەین، هەروەک پیرۆزباییەکی گەرمیش ئاراستەی سەرجەم موسڵمانانی کوردستان و جیھان بەگشتی وبرا پێشمەرگەکان و کەسوکاری سەربەرزی شەھیدان دەکەین.

دەخوازین هاتنی جەژنی قوربان وێستگەیەكی نوێ بێت بەئاراستەی خۆشگوزەرانی بۆ هاوڵاتیانی هەرێمی كوردستان ، وە ئێمەش لە زانكۆی پۆلیتەكنیكی سلێمانی دوپاتی دەكەینەوە كە ئامانجمان خزمەتكردنی زانست و خوێندنە و بەهەموو توانایەكمان هەوڵ دەدەین ئاستی زانستی مامۆستایان و خوێندكارانمان تا دێ بەرەو پێش بەرین و بازاڕی كار بۆ دەرچوانمان فەراهەم بكەین، وە دەمانەوێت لە زانكۆدا تواناو شارەزایی و هێزی كاری پێویست دروست بكەین و  ناوەڕۆکى پرۆگرامەکانى خوێندن بەشێوەیەک بێت هاوتەریب و هەماهەنگ بێت لەگەڵ بازاڕى کارى کوردستان.

دوبارە جەژنی قوربان لە سەرجەم كۆمەڵانی خەڵكی كوردستان پیرۆزدەكەین و هیوادارین ببێتە مایەی خێرو خۆشی بۆ گشت لایەك.

بەڕێوەبەرایەتی ڕاگەیاندن و چالاكییەكان

زانكۆی پۆلیتەكنیكی سلێمانی

2019/8/10