بەخششی خوێندنی دافی بۆ پەنابەران و پەناخوازان راگەیەندرا

  • ئاب 23, 2019
  • 602 Views
بەخششی خوێندنی دافی بۆ پەنابەران و پەناخوازان راگەیەندرا

دەستپيشخەری ئەکادیمی ( ئەلبێرت ئەنیشتاین)ی ئەڵمانی کە ناسراوە بە ( بەخششی دافی) بە سەرپەرشتی کۆمسیاری باڵای نەتەوە یەکگرتوەکان بۆ کاروباری پەنابەران (unhcr)  بەخششی خوێندن بۆ پەنابەران و پەناخوازان دابین دەکەن. بەخششی خوێندنی (دافی) تێچوی تۆمار و کرێی خوێندن و تیچوی پێداویستی ژیانی خوێندکار لەخۆدەگرێتەوە. بەخششی خوێندن بە پێی سەرکەوتنی ئەکادیمی بۆ گشت ساڵەکانی خوێندن بەردەوام دەبێت  .  بە مەرجێک زیاتر نەبێت لە  ٤ ساڵی خوێندن.

 

مەرجەکانی پێشکەشکردن چین:

– پەنابەر یاخود پەناخوازیت لە عیراق و هەڵگری بڕوانامەی ڕەوای پەنابەری یاخود پەناخوازیت.

–  ئاستی دواناوەندیت بەسەرکەوتویی تەواو کردووە لە هەرێمی کوردستانی عیراق یان هەروڵاتێکی تر بە کۆنمرەی ٧٥ %   و زیاتر.

– خوێندکاریت لە یەکێک لە زانکۆکانی هەرێمی کوردستانی عیراق و خاوەن ئەنجامێکی ئەکادیمی بەرزیت و دەتەوێت سوودمەند بیت لە بەخششی خوێندنی دافی.

– هەڵگری بەڵگەنامەی ڕەسەنی (النسخة الاصلیة)  بڕوانامەی ئەکادیمی بیت ( ئەگەر لە دەرەوەی هەرێمی کوردستانی عیراق خوێندووتە).

– تەمەنت نێوان (١٧-٢٥) ساڵ بێت .

– بەشێک نەبیت لە پڕۆسەی نيشتەجێ بون لە وڵاتی سێيەم یاخود يەکگرتنەوەی خێزان.

تێبینی :

١- پێویستە داواکاری ئۆنڵاین پێشکەش بکرێت لەڕێگای ئەم لینکەی خوارەوە: 

https://enketo.unhcr.org/x/#Dqg6ULC6

٢- وادەی پێشکەشکردن کراوەیە تا ١٠-٩-٢٠١٩

٣- گشت پێشکەشکەرەکان ئاگاداردەکرێنەوە بە کۆتا بڕیار لە کۆتایی مانگی ٩ / ٢٠١٩

٤- پێشکەشکردن بۆ بەخششی خوێندن دافی بە خۆڕاییە، پێدانی هەر بڕە پارەێک کاریگەری لەسەر پڕۆسەی وەرگرتن لە دافی نابێت.  ئەگەر داوات لێکرا هەر بڕە پارەێک بدەیت بە زوترین کات ئیمەیل بنێرە بۆ: irqfraud@unhcr.org

بۆ زانیاری زیاتر تکایە پەیوەندی بکە بەم ژمارانەی خوارەوە:

(٠٠٩٦٤٠٧٧٣٤٢٧٠٥٣٧ ) هەرێم

(٠٠٩٦٤٠٧٧٣٤٢٧٠٥٣٥ ) هەرێم

(٠٠٩٦٤٠٧٨٠٩٢٠٧٢٨٢ ) ناوەڕاست و باکووری عیراق

یاخود دەتوانیت ئیمێل بنێریت بۆ:

IRQDAFI@UNHCR.ORG