لەسەر راسپاردەى سەرۆكى زانكۆ سەرجەم پێداویستییەكانى بەشەناوخۆیی كەمپی كۆلێجە تەكنیكییەكان دابینكرا

  • ئاب 30, 2019
  • 408 Views
لەسەر راسپاردەى سەرۆكى زانكۆ سەرجەم پێداویستییەكانى بەشەناوخۆیی كەمپی كۆلێجە تەكنیكییەكان دابینكرا

دوای نۆژەنكردنەوەی هۆڵی خوێندنەوەی خوێندكاران و تەواوی چێشتخانە و موشتەمەلاتى بەشەناوخۆیییەكان، لەسەر راسپاردەى سەرۆكى زانكۆى پۆلیتەكنیكى سلێمانى تەواوى پێداویستییەكانى ئەمساڵى خوێندن بۆ هەردوو بەشی ناوخۆیی كوڕان و كچانى كەمپى كۆلیجە تەكنییەكانى زانكۆ دابینكرا.

بەڕێوەبەرایەتى بەشەناوخۆییەكانى زانكۆ رایگەیاند: پێداویستیەكان خۆى دەبینێتەوە لە 250 دۆشەك و 100 بتڵی غازی و 60 تەباخی غازى نوێ بەسەرجەم پێداویستیەكانییەوە، كە لەلایەن بەڕێز پرۆفیسۆری یاریدەدەر د.ئالان فەرەیدون عەلى ئەمین سەرۆكی زانكۆوە دابینكراوە، لەگەڵ ئەوەشدا لەماوەی ئەم دوو مانگی پشووەدا، بەبێ وچان لەسەر راسپاردەی بەڕێزیان زۆرترین و باشترین و جوانترین خزمەت پێشكەش بەو بەشەناوخۆییانە كراوە.
لای خۆشیانەوە ستافى بەشەناوخۆییەكانى زانكۆ هیواخوازن خوێندكاران بە ئەركى سەرشانى خۆیانى بزانن و پارێزگارى لەو كەلوپەل و پێداویستیانە بكەن كە بەشێوەیەكى جوان و سەردەمیانە لەلایەن سەرۆكایەتى زانكۆوە بۆیان دابینكراوە.

شایەنى باسە بەشەناوخۆییەكانى كەمپى كۆلێجە تەكنیكییەكان تاكە بەشەناوخۆییە كە كارەبای 24 كاتژمێری هەیە كە زۆرجار هەبووە لەشەو و رۆژێكدا 18 كاتژمێر كارەباى موەلیدەى بۆ دابینكراوە تا خوێندكار باشترین و خۆشترین گوزەرانی هەبێت، لەگەڵ هەوای ساردی بەردەوام ئاوی گەرم ، وە دابینكردنی غازی بەردەوام، تاكە بەشەناوخۆییەكە ئەو هەموو خزمەتگوزارییە پێشكەش بە خوێندكارانی دەكات .