لە نزیكەوە رەوشی بەشەناوخۆیی پەیمانگای تەكنیكی كەلار هەڵسەنگاندنی بۆ دەكرێت

  • 2020-02-03
  • 364 Views
لە نزیكەوە رەوشی بەشەناوخۆیی پەیمانگای تەكنیكی كەلار هەڵسەنگاندنی بۆ دەكرێت

بەڕێوەبەرایەتی بەشەناوخۆییەكانی زانكۆی پۆلیتەكنیكی سلێمانی بۆ لەنزیكەوە ئاگاداربوون لە رەوشی بەشەناوخۆییەكانی پەیمانگای تەكنیكی كەلار، سەردانی بەشەناوخۆیی پەیمانگاكە دەكەن.

رێكەوتی 2020/2/2 فەرمانبەری بەڕێوەبەرایەتی بەشەناوخۆییەكانی زانكۆی پۆلیتەكنیكی سلێمانی بەئامادەبوونی لێپرسراوی هۆبەی بەشەناوخۆیی پەیمانگای تەكنیكی كەلار و ستافی هۆبەكە سەردانی بەشەناوخۆییەكانیان كرد و لەنزیكەوە ئاگاداربوون لە رەوشی بەشە ناوخۆییەكان و تۆماركردنی كەموكورتی و گرفتەكانی بەشەناوخۆییەكان لەڕوی پێداویستی و بیناوە، لەگەڵ پێدانی چەند رێنماییەك بەهۆبەی بەشەناوخۆییەكان بۆ سەلامەتی خوێندكاران و باشتر بەڕێوەبردنی ئیش و كارەكانی هۆبەكە و دابینكردنی شوێنێكی شایستە بۆ خوێندكاران.

بەهەوڵ و خەمخۆری سەرۆكایەتی زانكۆی پۆلیتەكنیكی سلێمانی و راگرایەتی پەیمانگای تەكنیكی كەلار بەشەناوخۆییەكان گۆڕانكارییەكی بەرچاوی بەخۆوە بینیوە و زۆربەی پێداویستییەكانی بۆ دابینكراوە و خوێندكاران لە كەشێكی گونجاو و شایستەدان.