مامۆستایەکی زانکۆی پۆلیتەکنیکی سلێمانی لە تاران بەشدارى گفتوگۆی ماستەرنامەیەک دەکات

  • ئه‌یلول 22, 2019
  • 232 Views
مامۆستایەکی زانکۆی پۆلیتەکنیکی سلێمانی لە تاران بەشدارى گفتوگۆی ماستەرنامەیەک دەکات

پڕۆفیسیۆری یاریدەدەر دکتۆر هێرش ڕەسوڵ مامۆستای بەشی پەیوەندییەگشتییەکان و بازاڕگەریی لە کۆلێجی تەکنیکی کارگێڕیی لە زانكۆی پۆلیتەكنیكی سلێمانی وەک سەرپەرشتیاری دووەم بەشدارى گفتوگۆی ماستەنامەی خوێندکارێکی کوردی لە تاران کرد.
ماستەرنامەکە لە ڕێکەوتى 17ى ئەم مانگە لە هۆڵی سیمیناری کۆلێژی ئابوریی و زانستەسیاسییەکانی (زانکۆی شەهید بەهەشتیی) لە تارانی پایتەختی ئێران بەڕێوەچوو، تێیدا بەڕێز( پ. ی. د. هێرش رەسوڵ موراد) وەک یەکێک لە ئەندامانى لیژنەکە بەشدارى گفتوگۆی ماستەرنامەکەى کرد.

ماستەرنامەکە لەلایەن جێگر ئیبراهیم عەبدولڕەحمان و بە ناونیشانی (پێگەی دیپلۆماسیی راگەیاندن لە سیاسەتی حکومەتی هەرێمی کوردستان ـ عیراقدا/ توێژینەوەی دۆخ Case Study سەبارەت بە راپرسیی سەربەخۆیی لە سێپتەمبەری ۲٠۱۷) نوسرابوو.

پاشان دوای گفتوگۆیەکی چڕوپڕ و پرسیاری لیژنەی گفتوگۆ و وەڵامی خوێندکار و وتەی هەریەک لە سەرپەرشتیاران، نامەکە بە پلەی (زۆر باشە) پەسەندکرا.

لیژنەی گفتوگۆکەش پێکهاتبون لە:
پ. ی. د. شەریعەتیی نیا/ گفتوگۆکار (داوەر)
پ. ی. د. غەرایاق زەندیی/ گفتوگۆکار (داوەر)
پ. د. حاجی یوسفی/ سەرپەرشتیار
پ. ی. د. تاڵیبی ئارانی/ راوێژکار
پ. ی. د. هێرش رەسوڵ موراد/ راوێژکار.