ڕێككەوتنێكی زانستی لەنێوان زانكۆی پۆلیتەكنیكی سلێمانی و كۆلێجی Waltham International بەریتانیدا واژۆكرا

  • 2020-02-08
  • 1109 Views
ڕێككەوتنێكی زانستی لەنێوان زانكۆی پۆلیتەكنیكی سلێمانی و كۆلێجی Waltham International بەریتانیدا واژۆكرا

بە ئامانجی سوود گەیاندن و پەرەپێدان و بەهێزكردنی پرۆگرامی ئەكادیمی بۆ ڕاهێنەران و بەرزكردنەوەی ئاستی توانای سەنتەرەكانی زمان و دروستكردنی هەماهەنگی ڕێككەوتنێكی زانستی لەنێوان هەردوو زانكۆی پۆلیتەكنیكی سلێمانی و كۆلێجی Waltham Internationa ووڵاتی بەریتانیا واژۆكرا.

لەسەر بانگهێشتی فەرمی كۆلێجی Waltham International College in London, the UK و بەسەرپەرشتی وەزارەتی خوێندنی باڵاو توێژینەوەی زانستی حكومەتی هەرێمی كوردستان كۆرسێكی تایبەت بە پەرەپێدان و بەهێزكردنی توانستی سەنتەرەكانی زمان لە زانكۆ حكومییەكان لەشاری لەندەنی ووڵاتی بەریتانیا ڕێكخراوە كە بڕیارە  ماوەی هەفتەیەك بخایەنێت،

لەپەراوێزی خولی پەرەپێدانەكەدا بەڕێوەبەری سەنتەری نێودەوڵەتی زمانی ئینگلیزی لە زانكۆی پۆلیتەكنیكی سلێمانی و هاوكات بەشداربووی شاندی زانكۆ حكومییەكان لەدوای گفتوگۆو ڕاگۆڕینەوە ڕێككەوتنێكی زانستیان لەگەڵ نوێنەری كۆلێجی Waltham Internationa واژۆ كرد كە ئامانج لە ڕێككەوتنەكە نزیكبونەوەی هەردولایە بەئاراستەی ئاڵوگۆڕی زانستی و دروستكردنی پردێكی پەیوەندی كە خوێندكاران و مامۆستایان سوودی لێ وەربگرن .