وۆركشپێك لەسەر سكۆلەرشیپی پرۆگرامی MENA ی هۆڵەندی رێكدەخرێت

  • ئه‌یلول 29, 2019
  • 34 Views
وۆركشپێك لەسەر سكۆلەرشیپی پرۆگرامی MENA ی هۆڵەندی رێكدەخرێت

پڕۆژەی تۆڕی كەلەپووری كولتووری لە گرووپی توێژینەوەی كەلەپووری كولتووریی دیجیتاڵی سەر بە سەنتەری توێژینەوەی زانكۆی پۆلیتەكنیكی سلێمانی وۆركشۆپێكی كراوە بەناونیشانی (چۆنیەتی پێشكەشكردن بۆ خولەكانی پرۆگرامی مینای هۆڵەندی) رێكدەخات بۆ بەڕێز مامۆستا ئاودێر ئەحمەد.

خولەكان چەند بوارێكی جیاواز لە خۆدەگرن وەك حكومەتی ئەلیكترۆنی، كارگێڕی، دارایی،كشتوكاڵ، وە بەڕێوەبردنی ئاو وە سەرچاوەكانی، زۆربەی خولەكان بۆ ماوەی نزیكەی دوو هەفتەیە وە سەرجەم تێچووەكانی وەك تێچووی خولەكە ,Tuition fee تیكتی فڕۆكە،هۆتێل،وە دڵنیایی تەندروستی لەسەر ئەركی حكومەتی هۆڵەندی دەبێت.

حكومەتی هۆڵەندا ساڵانە چەند خولێكی زانستی كورت خایەن بە هاوڵاتیانی چەند وڵاتێك لە رۆژهەڵاتی ناوەڕاست و باكوری ئەفریقا بەشێوەی سكۆلەرشیپ دەبەخشێت، كە یەكێك لەو وڵاتانە عێراقە.

مەبەست لە ئەنجامدانی ئەم وۆركشۆپە بریتییە لە:
1.باسكردنی كورتەیەك لە سكۆلەرشیپی پرۆگرامی MENA ی هۆڵەندی و گرنگی پرۆگرامەكە.
2.چۆنێتی نووسینی پرۆپۆزەڵی گونجاو، وە چۆنێتی ئامادەكردنی دۆكیومێنتی داواكراو لەكاتی پێشكەشكردن.
3.چۆنێتی پێشكەشكردن و وەرگرتنی ڤیزا.

وۆركشۆكە رۆژی چوارشەممە 2019/10/2 كاتژمێر 10ی بەیانی بۆ 1ی پاشنیوەڕۆ لە نهۆمی زەمینی بینای سەنتەری نێودەوڵەتی زمانی ئینگلیزی، سەرۆكایەتی زانكۆی پۆلیتەكنیكی سلێمانی بەڕێوەدەچێت.

بۆ خۆتۆماركردن تكایە لەم لینكەدا خۆت ناونووس بكە.

بایۆگرافای پێشكەشكاری و‌وۆكشۆپ:
م.ئاودێر ئەحمەد خاوەنی بڕوانامەی ماستەرە لە بواری (Network Technology) لە زانكۆی (Huddersfield) لە وڵاتی بەریتانیا لە نێوان ساڵانی ٢٠١١- ٢٠١٢ وە مامۆستا و لێپرسراوی دڵنیایی جۆرییە لە بەشی ئەندازیاری گەیاندن لە كۆلێجی تەكنیكی ئەندازیاری گەیاندن و ئەندامی گرووپی توێژینەوەی كەلەپووری كولتووری دیجیتاڵییە لە سەرنتەری توێژینەوەی لە زانكۆی پۆلیتەكنیكی سلێمانی، ژمارەیەك توێژینەوەی زانستی لە گۆڤارە جیهانی و ناوخۆییەكاندا بڵاوكردۆتەوە و براوەی ١٠ بەخشش (گرانت)ی زانستییە لە هەریەكە لە وڵاتانی ئەمریكا، ئەڵمانیا، هۆڵەندا، و كۆماری چیك.