وۆركشۆپێكی نێودەوڵەتی بەناونیشانی ( گەشتیاری كەلەپووری و پیشەو داهێنانەكان ) بەڕێوەچوو

  • ئه‌یلول 29, 2019
  • 35 Views
وۆركشۆپێكی نێودەوڵەتی بەناونیشانی ( گەشتیاری كەلەپووری و پیشەو داهێنانەكان ) بەڕێوەچوو

پڕۆژەی تۆڕی كەلەپووری كولتووری سەر بە گرووپی توێژینەوەی كەلەپووری كولتووری دیجیتاڵی لە سەنتەری توێژینەوەی زانكۆی پۆلیتەكنیكی سلێمانی وۆركشۆپێكی نێودەوڵەتی بەناونیشانی ( گەشتیاری كەلەپووری و پیشە داهێنانەكان ) رێكخست.

وۆركشۆپەكە كە رۆژی ١٨/٩/٢٠١٩ بە سەرپەرشتی پرۆفیسێور د.ڕوپ یۆنگ هاوبەڕێوبەری پڕۆژەی تۆڕی كەلەپووری كولتووری و پرۆفیسۆر لە زانكۆی لیستەری بەریتانی و د.ڕۆژین كەمال محەمەد ئەمین هاوبەڕێوەبەری پڕۆژەكە لە زانكۆی پۆلیتەكنیكی سلێمانی و بە ئامادەبوونی نوێنەرانی كەرتی گەشتیاری و پلان دانانی پارێزگای سلێمانی و كەرتی ئەكادیمی بەڕێوەچوو.

ئامانجی فۆكەس گرووپە كە بریتی بوو لە كۆكردنەوەی زانیاری بۆ توێژینەوەیەكی پڕۆژەكە لەسەر ئاستەنگی و فرسەتەكانی گەشتیاری كەلەپووری لە هەرێمی كوردستان و پەیوەندی ئەو كەرتە بە پیشە داهێنانەكان و دابینكردنی هەلی كار و داهات.

پڕۆژەی تۆڕی كەلەپووری كولتووری نێودەوڵەتی پڕۆژەیەكی هاوبەشی گرووپی توێژینەوەی كەلەپووری كولتووری دیجیتاڵی زانكۆی پۆلیتەكنیكی سلێمانی و دوو زانكۆی بەریتانییە (زانكۆكانی رێدینگ و لیستەر) بە سپۆنسەری دارایی و فەندی تۆڕی نەهرەینی زانكۆی یو سی ئێڵ ی بەڕیتانی بەڕێوەدەچێت.