توێژینەوەیەك لەبارەی یاری پۆبجی و كاریگەری لەسەر دەروونی خوێندكار

  • تشرینی یه‌كه‌م 1, 2019
  • 137 Views
توێژینەوەیەك لەبارەی یاری پۆبجی و كاریگەری لەسەر دەروونی خوێندكار

دوو خوێندكاری بەشی تەكنیكی كارگێڕی زانكۆی پۆلیتەكنیكی سلێمانی، لە توێژینەوەیەكیاندا بە وردی باس لە كاریگەرییەكانی یاری ئەلیكترۆنی پۆبجی دەكەن كە لەئێستادا بەشێوەیەكی بەرفراوان لەلایەن زۆربەی چین و توێژەكان و بە تایبەتیش لەلایەن گەنجانەوە بەكاردەهێنرێت.

توینەوەكە لەلایەن خوێندكاران ( ئاوات سەرحەد و لیزان ئیدریس ) ئامادەكراوە و مامۆستا عەتا ئادەمیش سەرپەرشتی كردووە، تێیدا بە شێوەیەكی مەیدانی لە كەمپی كۆلێجە تەكنیكیەكانی زانكۆی پۆلیتەكنیكی سلێمانی ئەنجامدراوە، وەك پڕۆژەیەكی ئامادەكاری بۆ قۆناغی چوار.

لە توێژنەوەكەدا بەشێوەیەكی گشتی باس لە یارییە ئەلیكرتۆنییەكان كراوە پاشان سەرهەڵدان و دەركەوتنی یاری PUBG باسكردنی یارییەكە و سوود و زیانەكانی یارییە ئەلیكترۆنییەكان خراونەتەڕوو.

هاوكات لە توێژینەوەكەدا بەشێوەی راپرسی و لە رێگەی فۆڕمەوە پرسیار ئاڕاستەی ئەو خوێندكارانە كراوە كە یارییەكە ئەنجام دەدەن.

ئامانجی توێژینەوەكەش ناساندنی یارییە ئەلیكترۆنییەكان و بە تایبەتی یاری PUBG و كاریگەری ئەم یارییەیە لەسەر دەروونی تاك و روونكردنەوەی زیانەكانی یارییەكەیە بۆ خوێندكاران.

بۆ بینینی تەواوی توێژینەوەكە دەتوانن گرتە لەم لینكە بكەیت.