لە كۆنفرانسی نێودەوڵەتی هاوبەشی زانكۆی پۆلیتەكنیكی سلێمانی و زانكۆی سنە چەند توێژینەوەیەك و پانێڵێك بەڕێوەچوو

  • تشرینی یه‌كه‌م 2, 2019
  • 183 Views
لە كۆنفرانسی نێودەوڵەتی هاوبەشی زانكۆی پۆلیتەكنیكی سلێمانی و زانكۆی سنە چەند توێژینەوەیەك و پانێڵێك بەڕێوەچوو

لە چالاكییەكانی پاش نیوەڕۆی یەكەمین كۆنفرانسی نێودەوڵەتی هاوبەشی نێوان زانكۆی پۆلیتەكنیكی سلێمانی و زانكۆی كوردستان(سنە) كە ئەمڕۆ 2 ی تشرینی یەكەمی 2019 بەڕێوەچوو چوار توێژینەوەی تایبەت بەبواری گەشت و گوزار و لایەنە جیاوازەكانی پێشكەش كران كە دوو لەو توێژینەوانە لە لایەن توێژەرانی ئێرانی لە هەردوو زانكۆی مالیزیا و قوبرسەوە بەشێوەی تۆمار كراو پێشكەشكرا.

لەبەشێكی تری كۆنفرانسەكەدا پانێڵیك بۆ پێنج پسپۆرو مامۆستای هەردوو زانكۆ بەڕێوەچوو .

شایانی باسە سەرجەم توێژەران هەریەكەو لە گۆشە نیگایەكەوە باسیان لە بواری گەشتوگوزار كردوو بەگرنگییەوە ڕۆڵی گەشتوگوزاریان بەرز نرخاند بەتایبەت بۆ جوانكردن و ڕازاندنەوەی شارو شارۆچكەكان و خزمەتی زیاتری هاوڵاتیان و لەگەڵ ئەوانەشدا دەبێتە داهاتێك بۆ حكومەت.

بەشی كۆتایی پانێڵەكان تەرخانكرا بۆ گفتوگۆی نێوان پانێڵستان و ئامادەبوان . چەندین پرسیاری جۆراو جۆر ئاراستە كران و وەڵام درانەوە.

بڕیارە سبەینێش 3 ی تشرینی یەكەمی 2019 كۆنفرانسەكە درێژەی هەبێت.