100 بەشداربووی خولێكی فریاگوزاری پزیشكی بڕوانامەیان پێبەخشرا

  • تشرینی یه‌كه‌م 3, 2019
  • 100 Views
100 بەشداربووی خولێكی فریاگوزاری پزیشكی بڕوانامەیان پێبەخشرا

لە مەراسیمێكدا لە كەمپی كۆلێجە تەكنیكیەكانی زانكۆی پۆلیتەكنیكی سلێمانی، بڕوانامەی بەشداربوون بەخشرایە نزیكەی (100) بەشداربووی بەڕێوەبەرایەتی و فەرمانگە جیاوازەكانی شاری سلێمانی كە بەشدارییان لە خولێكی فریاگوزاری پزیشكی كرد.

رۆژی چوارشەممە (2019/10/2) بەئامادەبوونی ژمارەیەك لە بەرپرسانی فەرمانگە حزبی و حكومییەكانی شاری سلێمانی، لە كەمپی كۆلێجە تەكنیكیەكانی زانكۆی پۆلیتەكنیكی سلێمانی، مەراسیمێك بۆ پێدانی بڕوانامەی بەشداربوون لە خولێكی فریاگوزاری پزیشكی بۆ نزیكەی (100) بەشداربووی بەڕێوەبەرایەتی و فەرمانگە جیاوازەكانی شارەكە رێكخرا.

ئەمەش دوای ئەوەهات كە كۆلێجی تەكنیكی تەندروستی لە ماوەی چەند هەفتەی رابردوودا خولێكی فریاگوزاری پزیشكی بۆ كارمەندانی سەرجەم بەڕێوەبەرایەتییەكانی شاری سلێمانی كردبوویەوە، لە بەرامبەریشدا سەرجەم ئامادەبووان و بەشداربووانی مەراسیمەكە دەستخۆشی و پێزانینی خۆیان گەیاندە زانكۆی پۆلیتەكنیكی سلێمانی و راگرایەتی كۆلێج بۆ ئەم هەنگاوە زانستییە خزمەتگوزارییە پزیشكییە و هیواشیان خواست كە ئەم كارە زانستیانە بەردەوام بن و پەیوەندییەكانی سەرجەم فەرمانگەكانی شاری سلێمانی و ناوەندە ئەكادیمییەكان پتەوتر بكرێت بۆ خزمەت گەیاندن بە رەوشی تەندروستی هاونیشتمانیانمان.