كۆچی نایاسایی و مەترسییەكانی لە سیمینارێكدا بۆ خوێندكاران روونكرایەوە

  • 2020-02-24
  • 383 Views
كۆچی نایاسایی و مەترسییەكانی لە سیمینارێكدا بۆ خوێندكاران روونكرایەوە

لەمیانی سەردانەكەیدا بۆ كۆلێجی تەكنیكی كارگێڕی زانكۆی پۆلیتەكنیكی سلێمانی، تیمی پڕۆژەی كۆچبەر سیمینارێكی پێشكەش بە خوێندكارانی قۆناغی دووەمی بەشی پەیوەندییە گشتییەكان و بازاڕگەری كرد.

سیمینارەكە تایبەت بوو بە (كۆچی نایاسایی و مەترسییەكانی، رێگا جێگرەوەكان) كە تیایدا بە وردی باس لە مەترسییەكانی كۆچكردنی نایاسایی كرا و هەموو ئەو مەترسییانە خرانەڕوو كە رووبەڕووی كۆچبەر دەبێتەوە، دواتر باس لەو رێگا یاسایی و دروستانە كرا كە دەتوانرێت بە هۆیەوە كۆچی یاسایی بكرێت.

لە سیمینارەكەدا خوێندكاران ڕا و بۆچوونەكانیان خستەڕوو سەبارەت بە مەترسییەكانی كۆچ و دەرەنجامەكانی.

پڕۆژەی كۆچبەر دەیەوێت یارمەتی هەموو كۆمەڵگای كوردی بدات بەبێ لەبەرچاوگرتنی ئاستی ئابووری، توانای كەسەكان، لایەنی جێندەری، و تێڕوانین و مامەڵەی سێكسیان.