وۆركشۆپێكی نێودەوڵەتی لەسەر بەڕێوەبردنی كەلەپووری كولتووری لەكاتی ئاشتی و ناكۆكیدا بەڕێوەچوو ‎

  • تشرینی یه‌كه‌م 12, 2019
  • 192 Views
وۆركشۆپێكی نێودەوڵەتی لەسەر بەڕێوەبردنی كەلەپووری كولتووری لەكاتی ئاشتی و ناكۆكیدا بەڕێوەچوو ‎

پڕۆژەی تۆڕی كەلەپووری كولتووری (سی ئێچ ئێن) سەر بە گرووپی توێژینەوەی كەلەپووری كولتووری دیجیتاڵی زانكۆی پۆلیتەكنیكی سلێمانی فۆكەس گرووپ وۆركشۆپێكی لەژێر ناونیشانی “بەڕێوەبردنی كەلەپووری كولتووری لە كاتی ئاشتی و ناكۆكیدا ” رێكخست.

وۆركشۆپەكە رۆژی دووشەممە 2019\10\7 لەلایەن دوو هاوبەڕێوبەری پڕۆژەكە، پڕۆفیسۆر د.ڕۆجەر ماسیۆس (لە زانكۆی ڕێدینگی بەڕیتانی) و د.ڕۆژین كەمال محەمەد ئەمین (لە زانكۆی پۆلیتەكنیكی سلێمانی) سەرپەرشتی كرا و بەئامادەبوونی ١٣ بڕیار بەدەستان و لایەنی پەیوەندیدار و كەسایەتی لە ئاستی جیاوازی بڕیاردان (بەڕێوەبەری گشتی و بەڕێوەبەر) و لە شوێنی جیاوازی هەرێمی كوردستان (سلێمانی و هەولێر و گەرمیان و هەڵەبجە و زاخۆ) و لە كەرتی شوێنەوار و پلاندانان و ئەكادیمی و دەزگای ناحكومی بەڕێوەچوو.

ئامانجی ئەم فۆكەس گرووپە بریتی بوو لە كۆكردنەوەی زانیاری و بیروبۆچوونی خاوەن پشكەكانی كەرتی كەلەپووری كولتووری بۆ توێژینەوەیەكی پڕۆژەكە لەسەر ئاستەنگی و فرسەتەكانی بەڕێوەبردنی كەلەپووری كولتووری لە هەرێمی كوردستاندا.

شایەنی باسە پڕۆژەی سی ئێچ ئێن پڕۆژەیەكی نێودەوڵەتی هاوبەشی نێوان زانكۆی پۆلیتەكنیكی سلێمانی و زانكۆكانی ڕێدینگ و لیستەرە لە بەڕیتانیا كە فەندی تۆڕی نەهرەینی سەر بە زانكۆی یو سی ئێڵی بەڕیتانی وەرگرتووە.