پێشوازییەكی شایستە لە خوێندكارانی قۆناغی یەكەم كرا

  • تشرینی یه‌كه‌م 29, 2019
  • 869 Views
پێشوازییەكی شایستە لە خوێندكارانی قۆناغی یەكەم كرا

بەئامانجی جوانتر كردنی پرۆسەی پەروەردەو فێركردن و پیشاندانی ڕوویەكی شارستانی و پێشوازییەكی شایستە لەو خوێندكارە ئازیزانەی كە قۆناغی ئامادەییان بڕی و هاتونەتە نێو قۆناغێكی نوێ ی خوێندنەوە ، ئەمرۆ سێشەممە 29 ی تشرینی یەكەمی 2019 لە ڕێوڕەسمێكی شایستەو نمونەییدا لە پەیمانگای زانستی كۆمپیوتەر سەر بەزانكۆی پۆلیتەكنیكی سلێمانی، خوێندكارانی قۆناغی یەكەم (بەیانیان – ئێواران) پێشوازیان لێكرا،
خوێندكارانی قۆناغی دووەمی پەیمانگای زانستی كۆمپیوتەر بەهاوكاری ڕاگرایەتی پەیمانگاو كۆمەڵەی خوێندكارانی كوردستان بەشێوەیەكی جیاواز و تایبەت پێشوازیان كرد لە خوێندكارانی قۆناغی یەكەمی ساڵی نوێی خوێندنی (2019-2020)، خوێندكاران پێشوازیەكی گەرمیان لێكرا بە دابەشكردنی شیرینی و پێشكەشكردنی ڕێنمایی و بەرچاو ڕونی بەشەكانیان .

لەكۆبونەوەیەكدا وێڕای بەخێرهاتنی خوێندكارانی قۆناغی یەكەم،  ئامادەیی ڕاگرایەتی و مامۆستایان و ستافی پەیمانگاكەیان پیشاندا كە بەهەموو لایەك باشترین خزمەت بەخوێندكاران بگەیەنین لەڕووی زانستی و ئەكادیمیەوە و هیوایان خواست كە ئەم جۆرە لەپێشوازیكردنە وەك نەریتێكی باش بۆ بەخێرهاتنی خوێندكاران پەیڕەو بكرێت، دواتر خوێندكاران ئاشنا كران بە سەرجەم بەش و هۆبەكانی پەیمانگا و زانیاری تەواویان لەبارەیانەوە پێدرا، پاشان سیمنارێك پێشكەش بەخوێندكاران كرا كە لەلایەن چەند خوێندكارێكی قۆناغی دووەمی پەیمانگاوە ئامادەكرابوو تیایدا گرنگی بەشەزانستیەكانی پەیمانگا لەبازاڕی كاردا بۆ خوێندكاران خرایە ڕوو.

هاوشێوەی ئەم ڕێوڕەسمەش بڕیارە لەسەرجەم كۆلێج و پەیمانگاكانی زانكۆی پۆلیتەكنیكی سلێمانی پێشوازی شایستەو شارستانیانە لەخوێندكاران بكرێت، شایانی باسە بۆ ئەمساڵی خوێندنی 2019-2020 زانكۆی پۆلیتەكنیكی سلێمانی زیاتر لە 9000 خوێندكاری لەبەشە جیاوەزەكانی خۆی وەرگرتووە.