ئێوارە خوانێك بۆ خوێندكارانی قۆناغی یەكەمی بەشەناوخۆییەكان سازكرا

  • تشرینی دووه‌م 5, 2019
  • 645 Views
ئێوارە خوانێك بۆ خوێندكارانی قۆناغی یەكەمی بەشەناوخۆییەكان سازكرا

وەك پێشوازییەك لە خوێندكارانی قۆناغی یەكەم و لەسەر ئەركی پ.ی.د ئالان فەرەیدون سەرۆكی زانكۆی پۆلیتەكنیكی سلێمانی، لە كافتریای كەمپسی كۆلێجە تەكنیكییەكانی چوارچرا ئێوارە خوانێك بۆ خوێندكارانی بەشەناوخۆییەكان سازكرا.

لە ئێوارەخوانەكەدا كە ژمارەیەك میوان و راگرانی كۆلێج و پەیمانگاكانی سەر بە زانكۆ ئامادەی بوون، پاش خوانەكە لە هۆڵی سیمیناری كەمپسی چوارچرا پ.ی.د عەتا شێخ كەریم راگری كۆلێجی تەكنیكی ئەندازیاری وتەیەكی پێشكەشكرد و تێیدا بەخێرهاتنی گەرمی خوێندكارانی قۆناغی یەكەمی كرد و دەستخۆشی لە سەرۆكی زانكۆ و لێپرسراوی بەشەناوخۆییەكان كرد بۆ ئەنجامدانی ئەم ئێوارەخوانە، هەروەها راگری كۆلێجی ئەندازیاری باسی لە هەوڵ و كارەكانی سەرۆكی زانكۆ و لێپرسراوی بەشەناوخۆییەكان و ڕاگرایەتی كۆلێج كرد بۆ نۆژەنكردنەوەی بەشەناوخۆییەكان لەمساڵداو دابینكردنی پێداویستییەكانی خوێندكاران و دووپاتیكردەوە كە بەردەوام دەبن لە خزمەتكردنی خوێندكاران و دابینكردنی كەشێكی لەبار بۆخوێندكاران و بەرزكردنەوەی ئاستی زانستی لە زانكۆدا.

دواتر رەزا سەنگاوی لێپرسراوی بەشەناوخۆییەكان لەگەڵ خوێندكاران كۆبووەوە و دووپاتیكردەوە كە لە خزمەتكردنی خوێندكاران بەردەوام دەبن و بەشەناوخۆییەكان ماڵی خوێندكارانە، پاشان لێپرسراوی بەشەناوخۆییەكانی زانكۆ باسی لە یاسا و رێنماییەكانی بەشەناوخۆییەكان كرد و داوای لە خوێندكاران كرد هاوكاریان بن بۆ دابینكردنی كەشێكی ئارام و گونجاو لە بەشەناوخۆییەكاندا.