سەرۆك بەشێكی زانكۆی پۆلیتەكنیكی سلێمانی دوو بەرپرسیارێتی نێودەوڵەتی وەردەگرێت

  • تشرینی دووه‌م 12, 2019
  • 1099 Views
سەرۆك بەشێكی زانكۆی پۆلیتەكنیكی سلێمانی دوو بەرپرسیارێتی نێودەوڵەتی وەردەگرێت

پرۆفیسۆری یاریدەدەر د.رێبەر گۆران مستەفا سەرۆكی بەشی تەكنیكی میدیا لە كۆلێجی تەكنیكی كارگێڕی سەر بە زانكۆی پۆلیتەكنیكی سلێمانی بە ئەندامی لیژنەی زانستی شەشەمین كۆنفرانسی زانستی راگەیاندن و میدیای جەماوەری (MEDCOM 2020) دەستنیشانكرا كە بڕیارە لە رۆژانی (٢٨-٣٠) مانگی ئایاری ساڵی داهاتوو لەلایەن زانكۆی كالیاری، سردینیا، ئیتاڵیا بەناونیشانی ” پەیوەندیكردن و گوڕانكاری رۆشنبیری” بەڕێوەبچێت.

لەو چوارچێوەیەشدا پ.ی.د.رێبەر گۆران مستەفا سەرۆكی بەشی تەكنیكی میدیا بە توێژینەوەیەكی زانستی بەشداری لە كۆنفرانسەكەدا دەكات.

لەلایەكی دیكەشەوە ناوبراو وەك ئەندامی دەستەی نووسەرانی گۆڤاری (الفنون والأدب وعلوم الإنسانيات والاجتماع)  دیاریكرا كە لەلایەن كۆلێجی ئیمارات لە شاری دوبی دەردەچێت.