لە مەڕاسیمێكی شایستەدا چلەی خوێندكاری جوانەمەرگ ( چاوان بەهادین ) بەڕێوەچوو

  • تشرینی دووه‌م 17, 2019
  • 897 Views
لە مەڕاسیمێكی شایستەدا چلەی خوێندكاری جوانەمەرگ ( چاوان بەهادین ) بەڕێوەچوو

چل رۆژ لەمەوپێش لە رووداوی وەرگەڕانی پاسێكی خوێندكارانی پەیمانگای تەكنیكی دوكان/زانكۆی پۆلیتەكنیكی سلێمانی لەسەر رێگای دوكان – سلێمانی چەند خوێندكارێك برینداربوون و بەداخەوە یەكێك لە خوێندكارێكی بەشی كارگێڕی بانكەكان (قۆناغی دووەم) بەناوی (چاوان بەهادین) گیانی لەدەستدا، بۆ ئەم مەبەستەش ئەمڕۆ ١٧-١١-٢٠١٩پەیمانگای تەكنیكی دوكان هەستا بە رێكخستنی مەڕاسیمێكی شكۆمەندانە بۆ خوێندكاری جوانەمەرگ بە ئامادەبوونی كەسوكاری خوێندكار و قایمقامیەتی قەزای دوكان و سەرجەم یەكە كارگێڕییەكان و خوێندكاران و مامۆستایان و فەرمانبەرانی پەیمانگاكە.

هەر لەو یادەدا پ.ی د.كاوە رەزا راگری پەیمانگای تەكنیكی دوكان وتەیەكی پێشكەشكرد و پەیامی بەڕێزان د.ئارام محەمەد قادر وەزیری خوێندنی باڵا و توێژینەوەی زانستی و پ.ی.د.ئالان فەریدون سەرۆكی زانكۆی پۆلیتەكنیكی سلێمانیوەك هاوخەمییەك بە كەسوكاری خوێندكاری جوانەمەرگ گەیاند.

پاشان بەڕێز سیروان سەرحەد قایمقامی قەزای دوكان هاوخەمی خۆی دەڕبڕی وتەیەكی پێشكەشی كەسوكاری خوێندكاری جوانەمەرگ كرد
هەر لە ڕێوڕەسمەكەدا ژیاننامەی خوێندكاری جوانەمەرگ بە ڤیدیۆ و ئینفۆگرافیك نمایشكرا و دواتر لەلایەن بنەمەڵەی جوانەمەرگ وتەی سوپاس و پێزانیان پێشكەشكرا.

پاشان لەلایەن چەند خوێندكارێكەوە پەخشانە شیعر و هۆنراوەیەك پێشكەش بە ڕوحی پاكی جوانەمەرگ كرا و تاجەگوڵینەی بەڕێز وەزیری خوێندنی باڵا و
سەرۆكی زانكۆی پەلیتەكنیكی سلێمانی و پەیمانگای تەكنیكی دوكان و قایمقامیەتی قەزای دوكان و كەسوكاری خوێندكار لەسەر وێنەی خوێندكاری جوانەمەرگ چاوان بەهادین دانرا.

لەكۆتایدا پەیمانگای تەكنیكی دوكان یەكێك لە هۆڵەكانی وانەوتنەوەی بەناوی (چاوان بەهادین ) ناوناو وە بەئامادەبوونی سەرجەم ئامادەبووانی چلەكە هۆڵەكە لەلایەن كەسوكاری جوانەمەگەوە كرایەوە.

شایەنی باسە خوێندكار چاوان بەهادین خوێندكاری بەشی كارگێڕی بانكەكان (قۆناغی دووەم) بوو لە رۆژی ٦-١٠-٢٠١٩ لە رووداوی وەرگەڕانی پاسێكی خوێنكارانی پەیمانگاكەدا گیانی سپارد.