خوێندكارانی بەشی پەیوەندییە گشتییەكان و بەبازاڕكردن بە گەشتێكی زانستی سەردانی پێشانگای نێودەوڵەتی كتێبیان لە سلێمانی كرد

  • تشرینی دووه‌م 19, 2019
  • 357 Views
خوێندكارانی بەشی پەیوەندییە گشتییەكان و بەبازاڕكردن بە گەشتێكی زانستی سەردانی پێشانگای نێودەوڵەتی كتێبیان لە سلێمانی كرد

بۆ زیاتر ئاشنابوون بە بەشەكانی ماركیتینگ و چۆنیەتی دروستكردنی پردی پەیوەندی لە نێوان ناوەندەكانی چاپكردن و بەرهەم هێنانی كتێب و ئاڵوگۆری زانیارییەكان لەسەر ئاستی نێودەوڵەتی، خوێندكارانی قۆناغی دووەمی بەشی پەیوەندییە گشتییەكان و بەبازاڕكردنی پەیمانگای تەكنیكی دوكان/زانكۆی پۆلیتەكنیكی سلێمانی بە گەشتێكی زانستی سەردانی یەكەمین پێشانگای نێودەوڵەتی كتێب-یان لە سلێمانی كرد.

لە گەشتە زانستییەكەدا كە بە سەرپەرشتی سەرۆك بەشی پەیوەندییە گشتیەكان و بەبازاڕكردن م .هەرمن شێركۆ نەسرەدین و م.چنار عومەر عەبدولكەریم و م.ئاراز عەلی عەبدولڕەحمان مامۆستا لە بەشی پەیوەندییە گشتییەكان و بەبازاڕكردن بوو، وانەی پەیوەندییە گشتییەكان و ماركێتینگ و پەیوەندییە نێودەوڵەتییەكان بەشێوەی پراكتیكی روونكرایەوە، پاشان لەلایەن بەڕێوەبەرانی ناوەندەكانی كتێب فرۆشتن وەڵامی سەرجەم پرسیارەكانی خوێندكاران درایەوە.

دواتر لەلایەن چەند ناوەند و خانەیەك بۆ چاپ و بڵاوكردنەوە چەند كتێبێك بە دیاری پێشكەش بە بەشی پەیوەندییە گشتییەكان و بەبازاڕكردن كرا تاكو خوێندكارەكان سوودی لێوەرگرن.