زانكۆی پۆلیتەكنیكی سلێمانی دەستخۆشی ئاراستەی مامۆستایان و فەرمانبەران و خوێندكاران دەكات

  • 2020-04-06
  • 1237 Views
زانكۆی پۆلیتەكنیكی سلێمانی دەستخۆشی ئاراستەی مامۆستایان و فەرمانبەران و خوێندكاران دەكات

بەهۆی بارودۆخی نائاسایی هەرێمی كوردستان و بڵاوبونەوەی ڤایرۆسی كۆرۆناو پشووە فەرمییەكان و قەدەغەی هاتوچۆو مانەوەی مامۆستایان و فەرمانبەران و خوێندكاران لە ماڵەكانی خۆیان و پابەندبونیان بە ڕێنماییەكانی وەزارەتی تەندروستی و وەزارەتی ناوخۆ تایبەت بە خۆپاراستن لە پەتاكە، سەرۆكایەتی زانكۆی پۆلیتەكنیكی سلێمانی نوسراوێكی دەستخۆشی ئاراستەی تەواوی مامۆستایان و فەرمانبەران و خوێندكاران دەكات لە سەرۆکایەتی زانکۆو سەرجەم كۆلێج و پەیمانگاكانی سەر بەزانكۆ لەشارو شارۆچكەكان.

لەنوسراوەكەدا هاتووە پابەند بوون بە ڕێنماییەكان ئەركێكی مرۆڤایەتی و نیشتمانییە وە سەلماندنی دڵسۆزیتانە بەرامبەر بەخاك و نیشتمان و گەلەكەمان و هەستكردنە بە بەرپرسیارێتی ، لەكۆتایی نوسراوەكەدا سەرۆكایەتی زانكۆی پۆلیتەكنیكی سلێمانی هیواخوازە كە بەردەوام بن لە جێ بەجێ كردنی ڕێنماییەكان و پابەندبوون بە قەدەغەی هاتوچۆوە لەپێناو سەلامەتی و پاراستنی گیانی ئازیزان و كەس و كارو خەڵكی كوردستان و گەڕانەوە بۆ ژیانی ئاسایی بەردەوام بوون لەژیان.