چەند خوێندكارێكی قۆناغی دووەم سیمینارێك پێشكەش بە خوێندكارانی قۆناغی یەكەم دەكەن

  • تشرینی دووه‌م 21, 2019
  • 120 Views
چەند خوێندكارێكی قۆناغی دووەم سیمینارێك پێشكەش بە خوێندكارانی قۆناغی یەكەم دەكەن

لەپێناو زیاتر ئاشنابوون بە رۆڵ و گرنگی بەشەكەیان، چەند خوێندكارێكی قۆناغی دووەمی بەشی پەیوەندییە گشتییەكان و بەبازاڕكردن لە پەیمانگای تەكنیكی دوكان-ی سەر بە زانكۆی پۆلیتەكنیكی سلێمانی، هەستان بە ئەنجامدانی سیمینارێك لەژێر ناونیشانی (گرنگی بەشی پەیوەندییە گشتییەكان و بەبازاڕكردن، هەلی كاری لە ئایندەدا) بۆ خوێندكارانی قۆناغی یەكەم.

سیمینارەكە بەسەرپەرشتی ( هەرمن شێركۆ) سەرۆك بەشی پەیوەندییە گشتییەكان و بەبازاڕكردن دەستپێكرد و تێیدا بەخێرهاتنی خوێندكارانی قۆناغی یەكەمی بەشەكەی كرد و باسی لە چۆنیەتی بەدەستهێنانی هەلی كاری ئەو خوێندكارانەش كرد كە دوای تەواوكردنی بەشەكەیان كاریان دەستكەوتوو.

دواتر لە سیمینارەكەدا باس لە گرنگی و رۆڵی ئەو بەشە زانستییە كرا كە خوێندكار لەم دوو ساڵەی خوێندنەدا ئاشنای دەبێت كە بەشێوەیەكی پڕۆفیشناڵ خوێندكار ئامادە دەكات بۆ كاركردن لە سەرجەم سێكتەرە گرنگەكانی ئابووری لە بازاڕ و هەلی كاردا، وە خوێندكارانی سوودمەند لەم بەشە زانستییەدا باسیان لە چیرۆكی سەركەوتنیان كرد كە بەهۆی خوێندنیان لەم بەشە بە ئاسانتر كاریان دەسكەوتووە و سەرجەم داخوازانی هەلی كار چاوەڕێی دەرچووانی بەشەكەن تاكو كاریان بۆ بكەن، هەروەها خوێندكاران باسیان لەو كارو چالاكییانەیان كرد كە بە هاوبەشی لەگەڵ سەرۆكایەتی بەش و مامۆستایان چەندین كار و چالاكی هەمەجۆریان كردووە كە بووەتە هۆكاری پەیوەندیەكی باش بۆیان لە ئایندەدا.

لەكۆتایی سیمینارەكەدا بە ڤیدیۆ نمایشی كارو چالاكییەكانی بەشی پەیوەندییە گشتییەكان و بەبازاڕكردن كرا تاكو خوێندكارانی قۆناغی یەكەم بە گڕو تینی زیاتر خزمەت بە زانست و داهێنان بكەن.

شایەنی باسە یەكێك لە دروشمەكانی زانكۆی پۆلیتەكنیكی سلێمانی بریتییە لە (ئێمە لە بازاڕ و هەلی كار نزیكترین) كە بۆتە دەستەبەركردنی چەندین هەلی كار بۆ خوێندكارانی دەرچوو لە هەرێمەكەماندا.