وۆركشۆپێك لەسەر نووسینی گرانت و فەندی نێودەوڵەتی رێكدەخرێت

  • تشرینی دووه‌م 24, 2019
  • 196 Views
وۆركشۆپێك لەسەر نووسینی گرانت و فەندی نێودەوڵەتی رێكدەخرێت

پڕۆژەی تۆڕی كەلەپووری كولتووری (سی_ئێچ_ئێن) لە گرووپی كەلەپووری كولتووری دیجیتاڵی (دی_سی_ئێچ) سەر بە سەنتەری توێژینەوەی زانكۆی پۆلیتەكنیكی سلێمانی، وۆركشۆپێكی كراوە بەناونیشانی ” نووسینی گرانت ” ڕێكدەخات بەمەبەستی ئاشناكردنی ستافی ئەكادیمی و كارگێڕی زانكۆی پۆلیتەكنیكی سلێمانی و زانكۆكانی تر و خوێندكارانی خوێندنی باڵا و كارمەندانی كەرتی حوكمی و تایبەتی و رێكخراوە ناحكومییەكان بە نووسینی گرانت و فەندی نێودەوڵەتی بۆ تمویلكردنی پڕۆژە ئەكادیمی و نائەكادیمییەكانیان بەشێوەیەكی پراكتیكی.

وۆركشۆپەكە لەلایەن د.ڕۆژین كەمال محەمەد ئەمین سەرۆكی گرووپی توێژینەوەی كەلەپووری كولتووری دیجیتاڵییەوە پێشكەش دەكرێت.

شایەنی باسە د.ڕۆژین كەمال یەكەم و تاكە هەڵسەنگێنەری نێودەوڵەتی گرانتی پڕۆژە فرەملیۆن پاوەندەكانی پڕۆگرامێكی دەزگای گەورەی توێژینەوە و داهێنانی بەریتانییە لەسەر ئاستی هەرێمی كوردستان و عێراق، كە لە ماوەی ٣ ساڵی پێشوودا زۆرترین گرانتی بۆ پڕۆژە هاوبەشەكانی زانكۆی پۆلیتەكنیكی سلێمانی و هاوبەشە ناوخۆیی و نێودەوڵەتییەكانی زانكۆ بەبڕی نزیكەی 300 هەزار دۆلار بەدەستهێناوە.

رۆژی پێنج شەممە 2019/11/28
كات: 10ی بەیانی بۆ 1ی نیوەڕۆ.
شوێن: سەرۆكایەتی زانكۆی پۆلیتەكنیكی سلێمانی – نهۆمی زەمینی بینای سەنتەری نێودەوڵەتی زمانی ئینگلیزی.
هاتن بۆ هەمووانە.
بۆ ناو تۆماركردن و بەشداریكردن گرتە لەم لینكە بكە.