خوێندكارێكی زانكۆی پۆلیتەكنیكی سلێمانی توێژینەوەیەكی گرنگ و ناوازە ئەنجام دەدات لەسەر ئاستی جیهان

  • 2020-04-16
  • 1353 Views
خوێندكارێكی زانكۆی پۆلیتەكنیكی سلێمانی توێژینەوەیەكی گرنگ و ناوازە ئەنجام دەدات لەسەر ئاستی جیهان
خاتوو زنار رفیق سعید مامۆستا لەكۆلیجی تەكنیكی ئەندازیاری بەشی گەیاندن وە خوێندكاری ماستەر لەخوێندنی باڵا لە زانكۆی سلێمانی، بۆ یەكەم جار لەسەر ئاستی جیهان وە بە شێوازێكی نوێ( novel method ) یەكێك لەبچوكترین وە بەهێزترین موگناتیزی نانۆی دروستكردووە كە قەبارەكەی 10 بۆ 40 نانۆ دەبێت، شایانی باسە نەك تەنها دروستكردنی نانۆكانی بەسەركەوتویی جێبەجێ كردووە هەستاوە بە تێكەلكردنی یەكێك لەتەنە دەگمەنەكان ( Rare Earth) وە تەسككردنەوەی دابەشبوونی قەبارەی نانۆیی، كەیەكەم جارە لەگۆڤارێكی ئاست بەرزی بەریتانی نێودەوڵەتی متمانەی پێ بەخشراوە، وە لە 6 ی نیسانی 2020 پەسەند كراوەو بڵاوكراوەتەوە.
ئەنجامدانی ئەم جۆرە توێژینەوانە لەبواری نانۆ تەكنەلۆجیدا دەرگایەكی زانستی گەورە دەكاتەوە بەڕووی پەرەپێدانی لەبوارەكانی ئامێرە ئەلیكترۆنییەكان ، لەبەرئەوەی لەگەل بەرەو پێشچوونی ژیاندا ویستی تاكەكان لەسەر ئەم ئامێرە بچوككراوانە وە بەتایبەتمەندی بەرزترو زیاتر دەبێت، هەروەها بەهۆی بچوكی قەبارەی نانۆكان و بەرتەسكی باندی نانۆیی ئەتوانرێت چارەسەری چەندەها نەخۆشی وەك نەخۆشییە شێرپەنجییەكان وە گەیاندنی دەرمان و چارەسەر لەڕێگەی نانۆ لەناو لەشی مرۆڤدا ، هەروەها بەكار دێت لەدۆزینەوەو پشكنینی ڤایرۆس و بەكتریاكاندا ( Bio-Detection Or Biosensors).
وە چاوەڕێ دەكرێت زانكۆی پۆلیتەكنیكی سلێمانی ببێتە سەنتەرێكی نانۆتەكنەلۆجی گرنگ بۆ ئەنجامدانی توێژینەوە لەسەر ئاستی هەرێمی كوردستان و عێراق و ناوچەكە.
ئەنجامدانی ئەم جۆرە توێژینەوە ئاست بەرزانە دەیسەلمێنێت كە زانكۆی پۆلیتەكنیكی سلێمانی لەڕووی توانای مرۆیی و تەكنیكییەوە هاوشانی زانكۆ جیهانییەكان لەبواری زانستی و توێژینەوەدا پێشەنگە.