کۆمپانیای هواوی دوو پرۆگرامی ئینتەرشیپ بۆ خوێندکاران و دەرچووانی زانکۆمان رادەگەیەنێت

  • 2020-04-20
  • 756 Views
کۆمپانیای هواوی دوو پرۆگرامی ئینتەرشیپ بۆ خوێندکاران و دەرچووانی زانکۆمان رادەگەیەنێت

لە رێگەی سەنتەری گەشەپێدانی کار ( CDC )ی زانکۆوە، كۆمپانیای هواوی دوو جۆر پرۆگرامی ئینته‌رشیپ راده‌گه‌یه‌نێت بۆ خوێندكاران و ده‌رچووانی زانكۆی پۆلیتەکنیکی سلێمانی.

پرۆگرامی یه‌كه‌م : تایبه‌ته‌ به‌ خوێندكارانی قۆناغی سێهه‌می كۆلێجی ئه‌ندازیاری گه‌یاندن و ئینفۆرماتیك و هاوشێوه‌كانی، کە له‌ كۆتایی پرۆگرامه‌كه‌دا خوێندكار بڕوانامه‌ی به‌شداربوون له‌ كۆمپانیای هواوی وه‌رده‌گرێت.

مه‌رجه‌كان :
١- خوێندكار بۆ ماوه‌ی دوو مانگ (مانگی حه‌وت و هه‌شت) ده‌وام ده‌كات.
٢- له‌ رۆژی یه‌كشه‌ممه‌ تا پێنجشه‌ممه‌ له‌ كاتژمێر ( ٨:٣٠- ٥:٠٠) وه‌ كاتژمێرێك پشووی له‌گه‌ڵدایه‌  .
٣- خوێندكار پێویسته‌ ئاستی زمانی ئینگلیزی باش بێت.
٤- خوێندكار هیچ بڕه‌ پاره‌یه‌كی بۆ خه‌رج ناكرێت.
٥- خوێندكاری ئاره‌زوومه‌ند CV بنێرێت بۆ ئیمه‌یڵی( cdc@spu.edu.iq )

پرۆگرامی دووه‌م : ‌تایبه‌ته‌ به‌ خوێندكارانی ده‌رچووی ساڵی (‪٢٠١٧-٢٠١٨‬) و (‪٢٠١٨-٢٠١٩‬) ی كۆلێجی ئه‌ندازیاری گه‌یاندن و ئینفۆرماتیك و هاوشێوه‌كانی، له‌ كۆتایی پرۆگرامه‌كه‌دا خوێندكاری  په‌سه‌ندكراو له‌دوای هه‌ڵسه‌نگاندن هەلی دامه‌زراندنه‌وه‌ی ده‌بێت له‌ كۆمپانیای هواوی، وه‌ بڕوانامه‌ی به‌شداربوونیش له‌ كۆمپانیاکە وه‌رده‌گرێت.

مه‌رجه‌كان:
١-خوێندكاری ده‌رچوو تا سێ مانگ ڕاهێنان ده‌كات.
٢- له‌ رۆژی یه‌كشه‌ممه‌ تا پێنجشه‌ممه‌ له‌ كاتژمێر ( ٨:٣٠- ٥:٠٠) وه‌ كاتژمێرێك پشووی له‌گه‌ڵدایه‌ .
٣- خوێندكاری ده‌رچوو پێویسته‌ ئاستی زمانی ئینگلیزی باش بێت.
٤- خوێندكاری ده‌رچوو هیچ بڕه‌ پاره‌یه‌كی بۆ خه‌رج ناكرێت.
٥- خوێندكاری ده‌رچووی ئاره‌زوومه‌ند CV بنێرێت بۆ ئیمه‌یڵی( cdc@spu.edu.iq)

تێبینی :
شوێنی کارکردن لە ئۆفیسی کۆمپانیایە لە تەنیشت نەخۆشخانەی شاری پزیشکی فاروق FMC.