دەستپێشخەرییەكی نوێ بۆ هاوكاریكردنی خوێندكارانی كەمدەرامەت و بەشەناوخۆییەكانی زانكۆ

  • تشرینی دووه‌م 26, 2019
  • 391 Views
دەستپێشخەرییەكی نوێ بۆ هاوكاریكردنی خوێندكارانی كەمدەرامەت و بەشەناوخۆییەكانی زانكۆ

لە دەستپێشخەرییەكی نوێ و كەم وێنەدا و بۆ زیاتر خزمەتكردنی خوێندكارانی بەشەناوخۆییەكانی زانكۆ بەگشتی و خوێندكارە كەمدەرامەتەكان، لەسەر راسپاردەی پ.ی.د.ئالان فەرەیدون سەرۆكی زانكۆی پۆلیتەكنیكی سلێمانی و بەسەرپەرشتی پ.ی.د.عەتا شێخ كەریم راگری كۆلێجی تەكنیكی ئەندازیاری، دووپرۆژەی هاوكاری بەناوی ( نیوەڕۆ و ئێوارە دەتوانیت میوانی ئێمە بیت ) جێبەجێ دەكرێت.

پرۆژەكە بریتییە لە كڕینی بلیتی نانخواردن بۆ خوێندكارانی بەشی ناوخۆیی كوڕان و كچان، كەهەر ئەمڕۆ نزیكەی 500 بلیت لەلایەن سەرۆكی زانكۆ و راگری كۆلێجی ئەندازیاری و بەڕێوەبەری بەشەناوخۆییەكانی كەمپی كۆلێجە تەكنیكییەكانی زانكۆ و چەند خێرخوزێكی دیكەوە كڕاوە، نرخی هەر بلیتێك 2 هەزار دینارە و هەر بەڕێزیكیش ویستی لەو پرۆژە هاوكارییەدا بەشداربێت دەتوانێت لە كافتریای كۆلێج بلیتەكان بكڕێت و لە سندوقی بەشەناوخۆییەكانی كەمپی كۆلێجە تەكنیكییەكانی زانكۆدا دایبنێت بەئاگاداری چاودێرەكان، خوێندكاریش دەتوانێت لەڕێگەی ئەو بلیتانەوە لە كافتریا بەبێ بەرامبەر ژەمێك نان بخوات.

تێبینی: كڕینی بلیت لە كافتریای سەرەكی كەمپی كۆلێجە تەكنیكییەكان دەبێت، هەر بەڕێزێك لە كڕینی یەك بلیتەوە تا 10 هەزار بلیت دەتوانێت بەشدار بێت.