توندوتیژی دژی ژنان لە سیمپۆزیۆمێكی زانستیدا خرایەڕوو

  • تشرینی دووه‌م 26, 2019
  • 179 Views
توندوتیژی دژی ژنان لە سیمپۆزیۆمێكی زانستیدا خرایەڕوو

كۆلێجی تەكنیكی تەندروستی سەر بە زانكۆی پۆلیتەكنیكی سلێمانی سیمپۆزیۆمێكی زانستی بەناونیشانی (كۆمەڵگەیەكی تەندروست بەرهەمی ژنێكی ئاسودەیە) لە دوو هەفتەی بەرەنگاربوونەوەی توندوتیژی دژی ژناندا ئەنجامدا.

رۆژی سێشەممە 2019/11/26 بەئامادەبوونی ئازاد محەمەد ئەمین سەرۆكی ئەنجومەنی پارێزگای سلێمانی و پ.ی.د.دانا ئەحمەد یاریدەدەری سەرۆكی زانكۆی پۆلیتەكنیكی سلێمانی بۆ كاروباری كارگێڕی و دارایی و پ.ی.د.محەمەد بابەكر مینە راگری كۆلێجی تەكنیكی تەندروستی و ژمارەیەكی بەرچاو لە مامۆستایان و خوێندكاران و میوانان، كۆلێجی تەكنیكی تەندروستی سیمپۆزیەمێكی زانستی بەناونیشانی (كۆمەڵگەیەكی تەندروست بەرهەمی ژنێكی ئاسودەیە) لە دوو هەفتەی بەرەنگاربوونەوەی توندوتیژی دژی ژناندا ئەنجامدا.

لە سیمپۆزیۆمەكەدا چەندین بابەتی زانستی و داتا و شیكاری زانستیانە و لایەنی یاسایی و سایكۆلۆجی و كۆمەڵایەتی و تەندروستی خرانەڕوو، لە كۆتایشدا دەرگای گفتوگۆ بەڕووی میواناندا واڵاكراو میوانانیش بە پرسیارەكانیان سیمۆزیۆمەكەیان دەوڵەمەندتر كرد وە هیواشیان خواست ئەم جۆرە چالاكییە زانستیانە لە سەرجەم ناوەندە ئەكادیمی و تەندروستییەكانی تردا ئەنجام بدرێت بۆ زیاتر هۆشیار كردنەوەی كۆمەڵگا.