لە باخچەی كەمپی كۆلێجە تەكنیكییەكانی زانكۆی پۆلیتەكنیكی سلێمانی و بەئامادەبوونی پ.ی.د عەتا شێخ كەریم راگری كۆلێجی تەكنیكی ئەندازیاری و پ.ی.د محەمەد بابەكر مینە راگری كۆلێجی تەكنیكی تەندروستی و بەشێك لە مامۆستایانی زانكۆ و لێپرسراوی لقی خوێندكارانی زانكۆی پۆلیتەكنیكی سلێمانی و لێپرسراوی بەشەناوخۆییەكان، خوێندكار محەمەد كوڕی شەهید عەلی گەرمیانی، لە ساڵیادی ٢٧ ساڵەی شەهیدبوونی باوكیدا ٢٧ نەمامی ڕواند.
هەڵوێستی ئەم خوێندكارە خۆشەویستە ئەوە دەگەێنێت سەرەڕای شەهیدبوونی باوكی لەپێناو ئەم خاكەدا، ئێستاش بۆ پاراستنی دەسكەوتەكانی راپەڕین و هەستكردن بە بەرپرسیارێتی ئەوكارە پیرۆزەی ئەنجامداوە، درود بۆ گیانی پاكی تەواوی شەهیدانی كوردستان.
لای خۆشیەوە سەرۆكایەتی زانكۆی پۆلیتەكنیكی سلێمانی دەستخۆشی لە خوێندكاری ناوبراو دەكات و ئومێدەوارە سەرجەم خوێندكاران لە خەمی پاراستنی ژینگەی كوردستان بن و كار بۆ سەوزكردنی هەرێمەكەیان بكەن.
