ژنێك وەك ڕاگری كۆلێجی تەكنیكی ئینفۆرماتیك لەزانكۆی پۆلیتەكنیكی سلێمانی دەست بەكاربوو

  • كانونی یه‌كه‌م 3, 2019
  • 1243 Views
ژنێك وەك ڕاگری كۆلێجی تەكنیكی ئینفۆرماتیك لەزانكۆی پۆلیتەكنیكی سلێمانی دەست بەكاربوو

پ.ی.د. ئالان فەرەیدون عەلی ئەمین سەرۆكی زانكۆی پۆلیتەكنیكی سلێمانی بە ئامادەبوونی پ.ی.د. دانا احمد مصطفی یاریدەدەری سەرۆكی زانكۆ بۆ كاروباری كارگێڕی و دارایی م. دڵپاك تاهیر بەڕێوەبەری سەنتەری جێندەری زانكۆ ، پێشوازیكرد لە  پ ی دکتوره‌ رووناک محمد عبد الله راگڕی نویێ کۆلێجی تەكنیكی ئینفۆرماتیک له‌ زانکۆی پۆلیته‌کنیکی سلێمانی .

وێڕای پیرۆزبایی خۆی، سەرۆكی زانكۆی پۆلیتەكنیكی سلێمانی خۆشحاڵی خۆی دەربڕی كە ناوبراو وەك یەكەم ژن لە نێو ئەنجومەنی زانكۆو ڕاگرایەتی كۆلێجێكدا دەبینێت و هەموو پشتگیری و پشتیوانییەكی خۆی بۆ دوپاتكردەوە لەپێناو خزمەتكردنی زیاتری خوێندكارانی زانكۆی پۆلیتەكنیكی سلێمانی و هیوای سەركەوتنی لەكارەكانیدا بۆ خواست.

لەبەرامبەردا پ ی دکتوره‌ رووناک محمد عبد الله راگڕی نویێ کۆلێجی تەكنیكی ئینفۆرماتیک سوپاسی خۆی گەیاندە سەرۆكی زانكۆو ڕایگەیاند كە زۆر خۆشحاڵە لەنێو زانكۆیەكی گەنج و چەندین پسپۆری كەم وێنەو ژمارەیەكی زۆر لەمامۆستایانی سەركەوتوو خۆی دەبینێتەوە، هەروەها ووتی ئەوەی لەتوانادا بێت هەوڵەكانم دەخەمە كار تا ئاستی زانستی و ئەكادیمی كۆلیجەكەم و زانكۆكەم بەرزتر بكەمەوە،

راگڕی نویێ کۆلێجی تەكنیكی ئینفۆرماتیک دوپاتی كردەوە زانكۆی پۆلیتەكنیكی سلێمانی وەك زانكۆیەكی دیارو ناسراو لەسەر ئاستی پارێزگای سلێمانی و كوردستان و عێراق شوێن دەستی دیارەو بەردەوام ئاستی بەرەو باشتر دەچێت و جێ ی شانازییە بتوانین لەم زانكۆیەوە خزمەتی زیاتر بە پرۆسەی خوێندنی باڵا بكەین.

لەكۆتاییدا سوپاسی پشتگیرییەكانی سەرۆكی زانكۆی كرد.