ژمارەیەك مامۆستای زانكۆ بڕوانامەی رێزلێنان پێبەخشرا

  • 2020-11-22
  • 538 Views
ژمارەیەك مامۆستای زانكۆ بڕوانامەی رێزلێنان پێبەخشرا

لەبەرامبەر بەشداریكردنیان لە خولی ( فێركردنی ئەلیكترۆنی ) بەمەبەستی باشتر بەڕێوەچوونی پرۆسەی خوێندن بەشێوەی ئەلیكترۆنی و بەشێوازێكی سەردەمیانە، زانكۆی پۆلیتەكنیكی سلێمانی و رێكخراوی ( ئایرێكس ) بڕوانامەی رێزلێنانیان بەخشییە ژمارەیەك مامۆستای زانكۆ.

پێشنیوەڕۆری ئەمڕۆ 2020/11/22 لە مەراسیمێكی شایستەدا و بەڕەچاوكردنی رێنماییە تەندروستییەكان و بەئامادەبوونی پ.ی.د.ئالان فەرەیدون عەلی ئەمین سەرۆكی زانكۆی پۆلیتەكنیكی سلێمانی و پ.د.سۆران ئەبوبەكر یاریدەدەری سەرۆكی زانكۆ بۆ كاروباری زانستی و هاوبیر حەمەعەلی بەڕێوەبەری ئەمریكان كۆرنەری سلێمانی، لە سەرۆكایەتی زانكۆی سلێمانی بڕوانامەی رێزلێنان بەخشرایە ژمارەی مامۆستای زانكۆمان كە بەشێوەیەكی سەركەوتوو بۆ ماوەی سێ هەفتە بەشداری خولی ( فێركردنی ئەلیكترۆنی )یان كردووە.

لە وتەیەكدا پ.ی.د.ئالان فەرەیدون عەلی ئەمین سەرۆكی زانكۆی سوپاسی دڵسۆزی مامۆستایانی كرد كە بەشێوەیەكی بەرچاو و بۆ ماوەی سێ هەفتە پابەندبوون بە پرۆگرامی خولەكەوە و سەركەوتووانە بەشداربوون وتیشی: هیوادارین بە هەموومان بتوانین بەشێوەی ئەلیكترۆنی و پاڵپشت بە خوێندنی ناو كەمپەس جێدەستمان دیاربێت لە پرۆسەی خوێندن و سەركەوتووانە خوێندنی ئاوێتە بۆ خوێندكارەكانمان فەرەهەم بكەین.

شایەنی باسە بۆ ماوەی سێ هەفتە لە رێكەوتی ( 2020/9/13 تا 2020/10/4 ) لەلایەن (10) مامۆستای زانكۆی پۆلیتەكنیكی سلێمانییەوە لەسەر وتنەوەی وانە و بەڕێوەبردنی پرۆسەی خوێندن بەشێوەی ئەلیكترۆنی راهێنان بە مامۆستایانی بەشداری خولەكە كراوە.