10 هەزار ماسك پێشكەش بە زانكۆ كرا

  • 2020-11-29
  • 260 Views
10 هەزار ماسك پێشكەش بە زانكۆ كرا

بەئامانجی پاراستنی تەندروستی خوێندكاران و فەرمانبەران و ئەو كەسانەی سەردانی زانكۆی پۆلیتەكنیكی سلێمانی دەكەن، ئەمڕۆ دەزگای مرۆیی مام (10) هەزار دەمامك (ماسك)ی پێشكەش بە سەرۆكایەتی زانكۆ كرد.

پێشنیوەڕۆی ئەمڕۆ 2020/11/29 تیمێكی دەزگای تەندروستی مام سەردانی سەرۆكایەتی زانكۆی پۆلیتەكنیكی سلێمانی كردو لەلایەن پرۆفسیۆری یاریدەدەر د.دانا ئەحمەد یاریدەدەری سەرۆكی زانكۆ بۆ كاروباری كارگێڕی و دارایی و خوێندكاران پێشوازییان لێكرا، كە ئامانجی سەردانەكەیان پێشكەشكردنی (10) هەزار دەمامك (ماسك) بوو بۆ زانكۆی پۆلیتەكنیكی سلێمانی.

لە لێدوانێكدا پ.ی.د.دانا ئەحمەد یاریدەدەری سەرۆكی زانكۆ رایگەیاند: وەك كاری هەمیشەیی و مرۆڤ دۆستییان ئەمڕۆ دەزگای مرۆیی مام كۆمەڵێك هاوكاری تەندروستی دیكەیان گەیاندە سەرۆكایەتی زانكۆمان، كە ئەمە جێگای خۆشحاڵییەوە بەناوی سەرۆكی زانكۆ و ستافی سەرۆكایەتی زانكۆوە دەستخۆشییان لێدەكەین و سوپاسی هاوكارییان دەكەین، یاریدەدەری سەرۆكی زانكۆ وتیشی: دواتر لە رێگەی بەڕێوەبەرایەتی تەندروستی و سەلامەتی سەرۆكایەتی زانكۆوە ئەو كەلوپەلە تەندروستییانە بەسەر كۆلێج و پەیمانگاكانی سەر بە زانكۆمان دابەش دەكرێت تا هەمووان پارێزراو سەلامەت بن.

لەماوەی رابردوودا و بەتایبەت لەدوای بڵاوبوونەوەی ڤایرۆسی كۆرۆنا دەزگای مرۆیی مام چەندین كەلوپەلی تەندروستی پێشكەش بە زانكۆی پۆلیتەكنیكی سلێمانی كردووە و چەندین كارو چالاكی مرۆیی و تەندروستییان بەهاوبەشی ئەنجامداوە.