پەیامی بەڕێوەبەرایەتی ڕاگەیاندنی زانکۆی پۆلیتەکنیکی سلێمانی له‌یادی ١١٩ ساڵەی رۆژنامەگەری کوردی

  • نیسان 22, 2017
  • 678 Views
پەیامی بەڕێوەبەرایەتی ڕاگەیاندنی زانکۆی پۆلیتەکنیکی سلێمانی له‌یادی ١١٩ ساڵەی رۆژنامەگەری کوردی

پەیامی بەڕێوەبەرایەتی ڕاگەیاندنی زانکۆی پۆلیتەکنیکی سلێمانی له‌یادی ١١٩ ساڵەی رۆژنامەگەری کوردی

رۆژنامەنوسانی خۆشەویست

خاوەن خامە ڕەنگینەکانی کوردستان

لەساڵوەگەری تێپەڕبوونی (١١٩) ساڵ بەسەر دەرچوونی یەکەمین رۆژنامەی کوردی بەناوی (کوردستان) پیرۆزبایی لەخۆمان و ڕۆژنامەنوسان و ھەموو خاوەن قەڵەمێکی ئازا و بەھەڵوێست دەکەین.

ئەم یادە مێژوویەکی پڕ لەشانازیە بۆ گەلی کورد، لەکاتێکدا میقداد مەدحەت بەدرخان بەبیرو ھزرێکی سەردەمیانە دەستی دایە بارێکی قورس و ھەڵھێنانی یەکەم ھەنگاو بەئاراستەی بنیاتنانی بناغەی ڕۆژنامەگەری کوردی ئەرکێکی ھەروا ئاسان نەبوو ، بەڵام ئیرادەی نیشتمانی و نەتەوەیی لەھەر بەربەستێکی دی بەھێزتر بوو لەدەستپێکردنی کاروانەکەیدا.

لەم قۆناغەدا ئەرک و کارو رۆڵی نیشتمانی میدیایی قورسترو گەورەتربووە لەسەرجەم ڕوەکانەوە کە دەبێت مامەڵەی بەرپرسیارانە لەگەڵ روداوو ،ھەواڵ و پێشھاتەکان بکرێت، پێویستە یاساو ئیتیکی رۆژنامەوانی لەبەرچاوبگرێت،

میدیا ببێتە فاکتەری پێداگری لەسەر پاراستنی دەستکەوتەکانی ڕابردوو و ئێستاو داھاتووی گەلەکەمان، یەک گوتاری و ھاوھەڵوێستی لەسەر مەسەلە چارەنوسسازەکان مەرجی سەرکەوتنی ئیرادەی میلله‌ته‌كه‌مان بەڕووی دوژمنانی سەرسەختی گەلەکەمان.

بۆیە رەنگە ئێستا لەھەرکاتێک زیاتر میدیا ئەرک و بەرپرسیارێتی بکەوێتە سەرشان، پێویستە میدیاکانی کوردستان بەھەموو بوارەکانەوە (بینراو ، بیستراو ، خوێنراو ، ئەلیکترۆنی) ھاوشانی سەنگەرو بەرخودانی ھێزی پێشمەرگە رۆڵی ئەفراندن و ھۆشیاری فکری و دەرخستنی ڕاستییەکان بۆ تاکەکانی کۆمەڵگا ببینن.

ئەخوازین ئەم یادە بکرێتە دەرفەتێک بۆ ھەماھەنگی و ھاوکاری زیاتری نێوان رۆژنامەنووسان و دام و دەزگاکانی ھەرێم و خزمەتی زیاتر بەپرۆسەی دیموکراسی و ئازادی ڕادەربڕین و زەمینەیەکی باشتر بۆ ئازادی رۆژنامەگەری بڕەخسێنین.

دوبارە پیرۆزباییمان ھەیەو دەخوازین ساڵی ئایندە لەکەش و ھەوایەکی ئازادتر بۆ ڕۆژنامەنوسانی کوردستان ئەم یادەبکرێتەوە.

درود و وەفا بۆ گیانی پاکی ئەو ڕۆژنامەنوسانەی ژیانی خۆیان کردە قوربانی بۆ نیشتمان و پیشەکەیان

سڵاو بۆ ھێزی پێشمەرگەی قارەمان.

بەرێوەبەرایەتی ڕاگەیاندن و چالاکییەکان زانکۆی پۆلیتەکنیکی سلێمانی

٢٠١٧/٤/٢٢