خوێندنی باڵا دبلۆمی (دوو ساڵە) دەستیپێكرد

  • ئاب 21, 2017
  • 1907 Views
خوێندنی باڵا دبلۆمی (دوو ساڵە) دەستیپێكرد

لە درێژەی كارە زانستی و ئەكادیمییەكانی زانكۆی پۆلیتەكنیكی سلێمانی، رۆژی دووشەممە (2017/8/21) كۆلێجی تەكنیكی تەندروستی سلێمانی وانەكانی خوێندكارانی خوێندنی باڵای دبلۆمی (دوو ساڵە)ی دەستپێكرد.

شایەنی باسە بۆ یەكەمینجارە لەسەر ئاستی هەرێمی كوردستان دبلۆمی باڵای دووساڵە بۆ خوازیارانی میلاكی وەزارەتی تەندروستی لە بواری تەندروستی كۆمەڵدا بكرێتەوە، بەخۆشحاڵییەوە زانكۆمان و بەڕێوەبەرایەتی گشتی تەندروستی سلێمانی پێشەنگی كردنەوەی ئەمجۆرە خوێندنە سوودبەخشەبوون لە هەرێمی كوردستان.

كۆلێجی تەكنیكی تەندروستی كە سەر بە زانكۆی پۆلیتەكنیكی سلێمانییە لەئێستادا بەشەكانی (تەندروستی كۆمەڵ، شیكاری نەخۆشییەكان، تەكنیكی بێهۆشكاری) لەخۆدەگرێت و بڕوانامەی بەكالۆریۆس و ماستەرو دكتۆراش دەبەخشێتە خوازیاران و ئارەزوومەندانی خوێندنی بوارە تەكنیكییە پزیشكییەكان.